ماڭعىستاۋدا ەر ادام جۇكتى ايەلىن پىشاقتاپ ولتىرمەك بولعان

ماڭعىستاۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ك.-عا قاتىستى قىلمىستىق ءىستى قارادى.

انىقتالعانداي, ازامات ك. 2024 جىلعى 13 شىلدەدە ساعات 21:30 شاماسىندا الكوگولدىك ماساڭ كۇيدە بولىپ, مۇنايلى اۋدانى, ماڭعىستاۋ اۋىلىندا ورنالاسقان «ر» ساۋدا ورتالىعىنىڭ الدىندا زاڭدى نەكەدەگى زايىبى جابىرلەنۋشى ا-نىڭ جۇكتiلىك جاعدايدا ەكەنiن بىلە تۇرا, وعان قاساقانا كۇش كورسەتكەن. ونى قازاعا ۇشىراتۋ ويىمەن, وزىمەن بىرگە الىپ جۇرگەن اس ءۇي پىشاعىن قولدانىپ, جابىرلەنۋشىنىڭ دەنەسىنىڭ ارقا, سان جانە كەۋدە تۇسىنان بىرنەشە رەت سوققىلار جاساپ, دەنساۋلىعىنا اۋىر زيان كەلتىرگەن.

ودان ءارى, سوتتالۋشى ك. ءوزىنىڭ قىلمىستىق ءىس-ارەكەتىن توقتاتپاي, العان اۋىر دەنە جاراقاتتارى سالدارىنان جەرگە قۇلاعان جابىرلەنۋشى ا.-نىڭ دارمەنسىز كۇيدە جاتقانىنا قاراماستان, ءوزىنىڭ اياقتارىمەن جابىرلەنۋشىنىڭ باسىنان بىرنەشە رەت تەۋىپ دەنە جاراقاتىن سالعان.

وقيعا بولعان جەرگە دەر كەزىندە كەلگەن پوليتسيا قىزمەتكەرلەرى, سوتتالۋشى ك.-نى كۇش قولدانۋ (قولىن قايىرۋ) ارقىلى ۇستاعان.

پروكۋرور ك.-نى تاعىلعان ايىپ بويىنشا كىنالى دەن تانىپ, 15 جىل مەرزىمگە باس بوستاندىعىنان ايىرۋ جازاسىن تاعايىنداۋدى تالاپ ەتكەن. ال جابىرلەنۋشى سوتتالۋشى ك.-عا جەڭىل جازا تاعايىنداۋدى وتىنگەن. سوتتالۋشى ك. جاساعان ارەكەتىنە شىن نيەتىمەن وكىنەتىنىن مالىمدەپ, سوتتان جەڭىل جازا تاعايىنداۋدى سۇراعان.

«سوتتالۋشىنىڭ كىناسى, جابىرلەنۋشىنىڭ جانە كۋالەردىڭ جاۋاپتارىمەن, سوت ساراپتاما قورىتىندىلارىمەن جانە وزگە دە ءىس-قۇجاتتارىمەن دالەلدەندى. سوت ك.-عا جازا تاعايىنداۋ بارىسىندا, ونىڭ قىلمىستىق جاۋاپكەرشىلىگىن جەڭىلدەتەتىن ءمان-جاي رەتىندە شىن نيەتپەن وكىنۋىن, ال جازاسىن اۋىرلاتاتىن ءمان-جايلارعا, قىلمىستى ماساڭ كۇيدە جاساعانىن تانىدى. 2 قازان 2024 جىلى سوت ۇكىمىمەن: ك.-نى قك-ءنىڭ 24-بابى 3-بولىگىمەن, 99-بابىنىڭ 2-بولىگىنىڭ 4) تارماعىمەن كىنالى دەپ تانىپ, وعان 15 جىل مەرزىمگە باس بوستاندىعىنان ايىرۋ جازاسى تاعايىندالدى», دەلىنگەن سوت حابارلاماسىندا.

سوت ۇكىمى زاڭدى كۇشىنە ەنگەن جوق.