اقتوبە تابيعات قورعاۋ پروكۋرورلارى حرومتاۋ اۋدانىندا حروم كەنىن وڭدەۋمەن اينالىساتىن «ۆوسحود حروم» جشس-ءى قىزمەتىن تەكسەرگەن, دەپ حابارلايدى Egemen.kz اقتوبە وبلىسى پروكۋراتۋراسىنىڭ ءباسپاسوز قىزمەتىنە سىلتەمە جاساپ.
تەكسەرىس ناتيجەسى بويىنشا, كومپانيا 2022 جىل بويى مىندەتتى ەكولوگيالىق رۇقساتسىز جۇمىس ىستەگەن.
«وسى كەزەڭدە اتموسفەراعا 52 توننادان استام بەيورگانيكالىق شاڭ, 3 ۆالەنتتى حروم, ماگني وكسيدى جانە ت.ب. لاستاۋشى زاتتاردىڭ شىعارىندىلارى شىعارىلعان. سونداي-اق جالپى كولەمى 395 مىڭ توننا بولاتىن ءىرى كەسەك جانە شلامدى بايىتۋ قالدىقتارى نورمادان تىس ارتىق, ياعني زاڭسىز دەپ تانىلدى», دەپ حابارلادى وبلىستىق پروكۋراتۋرانىڭ ءباسپاسوز قىزمەتى.
پروكۋراتۋرانىڭ شارالارىمەن كاسىپورىنعا ەكولوگيالىق رۇقساتسىز قىزمەتتى جۇزەگە اسىرعانى ءۇشىن, 2,9 ملرد تەڭگەدەن استام ايىپپۇل سالىنعان.بۇگىنگى تاڭدا ايىپپۇل تولىعىمەن ءوندىرىلىپ, قاراجات بيۋدجەتكە تۇسكەنى بەلگىلى بولدى.