قازاقستاننىڭ 18 جاسقا دەيىنگى تەننيسشىلەر اراسىنداعى ءبىرىنشى راكەتكاسى ءامىر ومارحانوۆ قىتاي استاناسى بەيجىڭدە اياقتالعان ITF J300 BEIJING 2024 CHINA OPEN ءتۋرنيرىنىڭ چەمپيونى اتاندى, دەپ حابارلايدى Egemen.kz اقپارات اگەنتتىگى.
جاسوسپىرىمدەر اراسىندا الەمدىك رەيتينگىدە 15-ورىندا تۇرعان ءامىر فينالدا ۇلىبريتانيالىق وليۆەر بوندينگپەن (19 ITF Juniors) شەبەرلىك بايقاستى.
ءبىرىنشى سەتتە ۇلىبريتانيالىق تەننيسشى تاي-برەيكتە باسىم تۇسكەنىمەن, سودان كەيىن قازاقستاننىڭ جاس جۇلدىزى ويىن تىزگىنىن قولىنا الا ءبىلدى – 6:0, 6:4.
ايتا كەتەيىك, بۇل ءامىردىڭ جەكەلەي سىندا ITF Juniors دودالارىنداعى التىنشى تيتۋلى.
بۇدان بۇرىن قاراعاندى تەننيس مەكتەبىنىڭ تۇلەگى تايلاندتا (J300), كورەيادا (J300), مىسىردا (J100), گرۋزيادا (J60) جانە قاراعاندىدا (J60) ۇزدىك شىققان ەدى.