پرەزيدەنتتەر قازاق-تاجىك قاتىناستارىنىڭ قارقىندى دامىپ كەلە جاتقانىن اتاپ ءوتىپ, ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىقتى ودان ءارى كەڭەيتۋ پەرسپەكتيۆاسىن تالقىلادى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
اڭگىمەلەسۋ بارىسىندا جوعارى دەڭگەيدە, سونىڭ ىشىندە قازاقستان پرەزيدەنتىنىڭ بيىل تامىز ايىندا تاجىكستانعا جاساعان مەملەكەتتىك ساپارى اياسىندا قول جەتكىزىلگەن ۋاعدالاستىقتاردى ساپالى تۇردە جۇزەگە اسىرۋ ماسەلەسىنە ايرىقشا ءمان بەرىلدى.
قاسىم-جومارت توقاەۆ ەمومالي راحموندى تۋعان كۇنىمەن قۇتتىقتاپ, باۋىرلاس تاجىك حالقىنىڭ يگىلىگى ءۇشىن اتقارىپ جاتقان جاۋاپتى مەملەكەتتىك قىزمەتىندە جاڭا بەلەستەردى باعىندىرا بەرۋىنە تىلەكتەستىك ءبىلدىردى.
مەملەكەت باسشىسى تاجىكستان پرەزيدەنتىنىڭ ەكىجاقتى بايلانىستاردى نىعايتۋعا قوسقان ۇلەسىن جوعارى باعالايتىنىن جەتكىزدى.
تاراپتار مەملەكەتارالىق ىقپالداستىقتى دوستىق, ستراتەگيالىق سەرىكتەستىك جانە وداقتاستىق رۋحىندا ىلگەرىلەتۋگە نيەتتى ەكەنىن راستادى.