ءماجىلىس توراعاسى قابيبوللا جاقىپوۆ ەۋروپاداعى قاۋىپسىزدىك جانە ىنتىماقتاستىق ۇيىمىنىڭ از ۇلتتار ىستەرى جونىندەگى جوعارعى كوميسسارى استريد تۋرسپەن كەزدەستى, دەپ حابارلادى ءماجىلىستىڭ ءباسپاسوز قىزمەتى.
ق. جاقىپوۆ مەيمانعا ءماجىلىستىڭ ۇيىمداستىرۋىمەن وتەتىن قحا 20 جىلدىعىنا ارنالعان «قازاقستاندىق جول: بىرلىك. پاتريوتيزم. رەفورمالار» حالىقارالىق كونفەرەنتسياسىنا قاتىسۋعا نيەت بىلدىرگەنى ءۇشىن ءوز العىسىن جەتكىزدى.
وسى رەتتە ءماجىلىس سپيكەرى قازاقستان پرەزيدەنتى نۇرسۇلتان نازارباەۆ ساياساتىنىڭ باسىم باعىتتارىنىڭ ءبىرى – ۇلتارالىق كەلىسىم ماسەلەسى ەكەنىن اتاپ ءوتتى.
ق. جاقىپوۆتىڭ ايتۋىنشا, ءبىزدىڭ ەلىمىز ەقىۇ-مەن سىندارلى ىنتىماقتاستىقتى, سونىڭ ىشىندە, ازاماتتىق تۇراقتىلىقتى قامتاماسىز ەتۋ ماسەلەلەرى بويىنشا ىقپالداستىقتى وتە جوعارى باعالايدى.
ودان ءارى ءماجىلىس توراعاسى قازاقستاندا ەتنيكالىق توپتاردىڭ دامۋى, ءتىلىنىڭ, مادەنيەتى مەن ادەت-عۇرپىنىڭ ساقتالۋى ءۇشىن بارلىق جاعداي جاسالعاندىعىنا توقتالدى. ماسەلەن, بۇگىنگى كۇنى ءبىزدىڭ ەلىمىزدە 97 مىڭنان استام وقۋشى 37 مەكتەپتە, سونداي-اق, 171 ارالاس مەكتەپتە وزبەك, تاجىك, ۇيعىر تىلدەرىندە ءبىلىم الادى. سونىمەن قاتار, قازاقستان ەتنوستارىنىڭ 15 تىلدە 37 گازەتى جانە 11 تىلدە جۋرنالى شىعادى.
استريد تۋرس قازاقستاندا جوعارعى كوميسسار كەڭسەسى اشىلعان كۇننەن باستاپ, ءتيىمدى ۇنقاتىسۋ ورناپ, قحا-مەن ءوزارا بەلسەندى ءىس-قيمىل جۇرگىزىلىپ كەلە جاتقانىن اتاپ ءوتتى.
تاراپتار سونداي-اق, از ۇلتتار ينتەگراتسياسى تۋرالى جانە قازاقستان حالقى اسسامبلەياسىنىڭ ءىس-تاجىريبەسى توڭىرەگىندە اڭگىمە قوزعادى.