ەلوردادا بىرقاتار اۆتوبۋس ايالداماسىنىڭ اتاۋى وزگەرتىلدى. بۇل تۋرالى City Transportation Systems كومپانياسى Instagram پاراقشاسىندا جاريالادى, دەپ حابارلايدى Egemen.kz.
جاۋاپتى مەكەمەنىڭ مالىمەتىنشە, اتاۋلاردى وزگەرتۋ ورتالىق كوشەلەردى دە, جاڭا تۇرعىن اۋدانداردى دا قامتىعان. الايدا اۆتوبۋس مارشرۋتتارىنىڭ قوزعالىسى وزگەرىسسىز قالدى.
اتاپ ايتقاندا, ج.مولداعاليەۆ كوشەسىندەگى «ە-16» ايالداماسى ەندى «ج.مولداعاليەۆ كوشەسى» دەپ اتالادى. بۇل جەردەن №17, 29, 29ا, 56, 61 جانە 63 باعىتتار وتەدى.
كەنەسارى كوشەسىندەگى «ساۋدا-ەكونوميكالىق كوللەدج» ايالداماسى «كاميننىي» تۇرعىن ءۇي كەشەنى بولىپ وزگەرتىلدى. مۇندا №9, 13, 55ا, 55ب جانە 82 اۆتوبۋستارى جۇرەدى.
استانادا LRT ايالداماسىنان ءورت شىقتى
بۇدان بولەك, «№15 مەكتەپ-ليتسەي» ايالداماسى ەندى «جەڭىس داڭعىلى» دەپ اتالادى. وعان №4, 4ا, 5, 5ا, 7, 12, 20, 21, 25, 31, 40, 71 جانە 72 مارشرۋتتارى قىزمەت كورسەتەدى. ن.تىلەنديەۆ داڭعىلىنداعى «باقىت» قوناق ءۇيى ايالداماسى «جەتى جول» تۇرعىن ءۇي كەشەنى بولىپ وزگەرتىلدى. بۇل باعىتتان №46, 49, 65, 120ا, 306, 310, 311, 319, 326 جانە 328 اۆتوبۋستارى وتەدى.
استاناداعى جىلى ايالدامالار «سەرگەك» جۇيەسىنە قوسىلدى
سونىمەن قاتار, س.شايمەردەنوۆ كوشەسىندەگى «Metro» گيپەرماركەتى ايالداماسى قوزعالىس باعىتىنا قاراي ەكى اتاۋعا ءبولىندى: «Yrys» جانە «Amirel» تۇرعىن ءۇي كەشەندەرى. بۇل ايالداما ارقىلى №65, 71 جانە 75 مارشرۋتتارى جۇرەدى.
نۇربولات امانبەك