پارا تاەكۆوندودان قازاقستان رەسپۋبليكاسىنىڭ ۇلتتىق قۇراما مۇشەسى, حالىقارالىق دارەجەدەگى سپورت شەبەرى ءومىرالى نىشان ەلۋباي ۇلىنىڭ قازاسىنا قاتىستى تىڭ دەرەكتەر بەلگىلى بولدى, دەپ حابارلايدى Egemen.kz.
پاريجدەگى جازعى پاراليمپيادا ويىندارىنىڭ 5-ورىن يەگەرى, ەكى دۇركىن الەم چەمپيونى نىشان ءومىرالىنىڭ نەدەن قايتىس بولعانى بەلگىلى بولدى. 1 قازاندا ساعات 22:15-تە "باتىس ەۋروپا – باتىس قىتاي" رەسپۋبليكالىق تاس جولىنىڭ 542-ءشى شاقىرىمىندا تۇركىستان وبلىسىنان تاراز باعىتىندا كەلە جاتقان Nissan Maxima كولىگىنىڭ جۇرگىزۋشىسى تۇيەمەن سوقتىعىسقان. سپورتشى ايشا ءبيبى اۋىلىنىڭ ىرگەسىندەگى كەنەت جولدا كەلە جاتقان تۇيەنى كورەدى. سوقتىعىسۋدان ساقتانۋعا تىرىسىپ, كۇرت بۇرىلعانىمەن, باسقارۋدى جوعالتىپ, كولىك اۋدارىلىپ كەتكەن. وقيعا سالدارىنان جۇرگىزۋشى باسىنان اۋىر جاراقاتتار الىپ, اۋرۋحاناعا بارا جاتقان جولدا قايتىس بولعان.
ايتا كەتەيىك, نىشان ءومىرالى جامبىل وبلىسى تاراز قالاسىنىڭ تۋماسى. ول 17 جاسىنان سپورتپەن اينالىسىپ, بۇگىنگى كۇنگە دەيىن ەكى دۇركىن الەم چەمپيونى, ازيا چەمپيونى اتاندى. سونىمەن قاتار ازيا ويىندارىنىڭ جانە كوپتەگەن حالىقارالىق جارىستاردىڭ جۇلدەگەرى.