قازاقستان-رەسەي شەكاراسىنداعى «سىرىم» وتكىزۋ بەكەتىندە قازاقستان مەن قىرعىزستاننان كەلگەن جۇك كولىكتەرىنىڭ جۇرگىزۋشىلەرى اراسىندا جاپپاي توبەلەس بولدى, دەپ حابارلايدى Egemen.kz.
«موي گورود» باسىلىمىنىڭ مالىمەتىنشە, 1 قازانعا قاراعان ءتۇنى جۇرگىزۋشىلەر وتكىزۋ پۋنكتىندە جانجال شىعارعان. قاقتىعىسقا كەيبىر جۇرگىزۋشىلەردىڭ شەكارادان ءوتۋ كەزىندە كەزەكتى ساقتاماۋى سەبەپ بولعان. بۇل اقپاراتتى بقو پوليتسيا دەپارتامەنتىنىڭ ءباسپاسوز قىزمەتى راستادى.
- 30 قىركۇيەكتە سامارا-شىمكەنت تاسجولىندا كەزەك ساقتالماۋىنا بايلانىستى جۇك كولىكتەرىنىڭ جۇرگىزۋشىلەرى اراسىندا بولعان جانجالعا قاتىستى تەرگەۋ باستالدى, - دەلىنگەن وبلىستىق پد مالىمدەمەسىندە.
قازىر ءىس «بۇزاقىلىق» بابى بويىنشا قارالىپ جاتىر.