سەزىم سۋرەتتەرى

سالتاناتتى ءىس-شارانىڭ قۇتتىقتاۋ ءسوزىن مۋزەيدىڭ عىلىمي حاتشىسى سايالبەك عيززاتوۆ جەتكىزدى. «تىلەۋجان باتانوۆ جەكە كورمەسىن «سەزىم» دەپ اتاۋى تەگىن ەمەس دەپ ويلايمىن. ويت­كەنى ايگىلى يسپان سۋرەتشىسى پابلو پيكاسسو  «ناعىز سۋرەتشى كورگەنىن ەمەس, سەزىنگەنىن جازادى», دەيدى. تىلەۋجان اعامىزدىڭ تۋىندىلارىنا كوڭىل كوزىمەن نازار سالۋ كەرەك. سوندا عانا تۋىندىنىڭ پالساپالىق ءمانى اشىلىپ, كورۋشىنىڭ كوڭىلىنە ساۋلە تۇسىرەدى», دەپ ىزگى ءىلتيپاتىن ءبىلدىردى.

ءيا, ولاي ايتۋى زاڭدى. سەبەبى تىلەۋجان باتانوۆ ابستراكتسيالىق كومپوزيتسيالارىن ۇلتتىق رامىزگە نەگىزدەپ, وعان فيگۋراتيۆتىك قۇبىلىس ەلەمەنتتەرىن ءجيى قوسادى. وسى ادىسپەن بۇگىنگى قوعامنىڭ دراما­لىق جاعدايىن جاقسى بەينەلەيدى.

تۋىندىگەر كەسكىندەمەمەن قاتار دەكو­را­تيۆتى جانە قولدانبالى ونەردە ءوزىنىڭ قولتاڭ­باسىن قالىپتاستىرا بىلگەن شەبەر. ول تۋرالى سۋرەتشى, ەتنوگراف قاليوللا احمەتجان بىلاي دەپ پىكىر ءبىلدىردى: «وتكەن عاسىردىڭ 80-جىلدارى ءبىزدىڭ ونەر كەڭىستىگىمىزدە ۇلكەن وزگەرىس بولدى. سول كەزدە كەسكىندەمە, سۇڭعات سالاسىندا ءجۇرىپ جاتقان ىزدەنىستەرمەن بىرگە قولدانبا­لى ونەر سالاسىنىڭ جاڭا تۇرلەرى ىرگەلەنە ­باستادى. سونىڭ ىشىندە كەراميكامەن جۇمىس ىستەۋدىڭ اسىل ارناسىن جاساعان ارىپتەسىمىز – تىلەۋجان باتانوۆ. ونىڭ بۇل سالاداعى ۇلكەن جەمىستى ناتيجەسى – پورترەتتىك بەينەلەردى كەراميكادا قاشاي بىلگەنى ەدى. سونىڭ ارقاسىندا جاس سۋرەتشىلەر كەراميكاعا بەت بۇرىپ, تۇتاس مەكتەپ قالىپتاسىپ كەلەدى».

«مەنىڭ تۋعان جەرىم – الماتى وب­لى­سىنداعى كولساي دەگەن جەر. تابيعاتى تۇم­سا, سۇلۋلىعى تاڭداي قاقتىرارلىق. كوك­پەڭبەك اسپان, ءموپ-ءمولدىر كول, اعىپ جاتقان اساۋ وزەن مەنىڭ سۋرەتكەرلىك كوزقاراسىمدى قالىپتاستىرعان تابيعات سىيلارى ەدى», دەيدى سۋرەتشىنىڭ ءوزى. بۇگىندە سۋرەتشى جەكە شىعارماشىلىقپەن قوسا, ۇستازدىقپەن دە اينالىسىپ ءجۇر.

اشىلۋ سالتاناتىنىڭ قورىتىندى بولى­مىندە كوركەم سۋرەت اكادەمياسىنىڭ ۆيتسە-پرەزيدەنتى اسقار اجىبەك ۇلى ارىپتەسى تىلەۋجان باتا­نوۆتى بەينەلەۋ ونەرىنە ايرىقشا ەڭبەك سىڭىر­گەنى ءۇشىن قۇرمەت گراموتاسىمەن ماراپاتتادى.