«جولاۋشىلار تاسىمالى» اق قىزمەتكەرلەرى كولىكتىك پوليتسيامەن بىرلەسىپ, پويىزدارداعى قوعامدىق ءتارتىپتى بۇزعانى ءۇشىن جىل باسىنان بەرى 117 جولاۋشىنى تۇسىرگەن, دەپ حابارلايدى Egemen.kz.
ەرەجەلەرگە سايكەس, جولاۋشىنى مىناداي جاعدايلاردا پويىزدان تۇسىرەدى:
ەگەر جولاۋشى الكوگول نەمەسە ەسىرتكى اسەرىنەن ماس كۇيدە بولىپ, ءوز ءىس-ارەكەتتەرىمەن قاۋىپ ءتوندىرىپ نەمەسە باسقا جولاۋشىلارعا قولايسىزدىق كەلتىرسە. ەگەر جولاۋشى ۆاگوننىڭ ىشىندە تەمەكى شەكسە. ەگەر جولاۋشى جەكە باسىن كۋالاندىراتىن قۇجاتتاردى كورسەتۋدەن باس تارتىپ, پويىز بيلەتى بولماعان جاعدايدا. ەگەر جولاۋشى باسقا جولاۋشىلارعا نەمەسە پويىز قىزمەتكەرلەرىنە قاتىستى اگرەسسيۆتى ارەكەت جاساسا. ەگەر جولاۋشى وزىمەن بىرگە اينالاسىنداعىلارعا قاۋىپ توندىرەتىن تىيىم سالىنعان زاتتار نەمەسە جۇكتەر الىپ جۇرسە.«جولاۋشىلار تاسىمالى» اق تەمىرجول كولىگىندەگى قاۋىپسىزدىكتى ارتتىرۋ ماقساتىندا زاماناۋي تەحنولوگيالاردى بەلسەندى ەنگىزىپ جاتىر. ۇلتتىق تاسىمالداۋشىنىڭ 478 ۆاگونىندا 3 مىڭنان استام بەينەباقىلاۋ كامەراسى ورناتىلعان. بەينەباقىلاۋ جۇيەسى ۆاگون-مەيرامحانالاردا, ۆاگون-بارلاردا, تەمىرجول ستانتسيالارىندا, ۆوكزالداردا جۇمىس ىستەيدى.