4 قازان كۇنى كاسىپقوي بوكسشى جانىبەك ءالىمحان ۇلى (15-0, 10 كو) جاڭا زەلانديا وكىلى اندرەي ميحايلوۆيچپەن (21-0, 13 كو) جۇدىرىقتاسادى, دەپ حابارلايدى Egemen.kz Sports.kz-كە سىلتەمە جاساپ.
وتانداسىمىزدىڭ جەكپە-جەگىن Qazsport تەلەارناسى استانا ۋاقىتىمەن ساعات 15:00-دە تىكەلەي ەفيردە كورسەتەدى.
ايتا كەتەيىك, جانىبەك ءالىمحان ۇلى WBO جانە IBF بويىنشا ورتا سالماقتاعى الەم تيتۋلدارىنىڭ يەگەرى, بىراق اندرەي ميحايلوۆيچپەن جەكپە-جەكتە تەك IBF بەلبەۋىن قورعايدى.
ەسكە سالا كەتەيىك, جانىبەك ءالىمحان ۇلى مەن اندرەي ميحايلوۆيچ شىلدە ايىندا جۇدىرىقتاسۋى ءتيىس ەدى. الايدا جانىبەك ءالىمحان ۇلى سالماق قۋ كەزىندە ءوزىن ناشار سەزىنىپ, اۋرۋحاناعا تۇسكەن.