شاعىن مەكتەپتەردىڭ ساپاسى ارتادى

جوعارىداعى جاۋاپتى مينيسترلىك پەن اقتوبە وبلىسىنىڭ اكىمدىگى «تسيفرلىق تەحنولوگيالاردى پايدالانىپ اقتوبە وبلىسىنداعى شاعىن جيناقتى اۋىل مەكتەپتەرىنىڭ الەۋەتىن دامىتۋ» اتتى قاناتقاقتى جوباسىنىڭ قورى­تىندىلارى رەسپۋبليكالىق سەمي­ناردا تالقىلاندى. جوبا «قا­زاق­­ستان حالقىنا» قورىنىڭ, ءبىلىم بە­رۋ­دى تۇراقتى دامىتۋ قورى­نىڭ قو­ل­­داۋىمەن, وقۋ-اعارتۋ مينيستر­لى­­گىنىڭ باستاماسىمەن اقتوبە وبلى­سى­­نىڭ اكىمدىگىمەن بىرلەسىپ جۇزەگە اسى­­رىلدى.

جوبا قورىتىندىسىنا كەلسەك, جال­پى قاناتقاقتى جوبا اقتوبە وبلىسى بويىنشا 10,5 مىڭنان اسا وقۋشى ءبىلىم الاتىن 134 شاعىن جيناقتى مەك­تەپتى قامتيدى. تىرەك مەكتەپتەردىڭ وقى­تۋ­شى­لارى ساباق بەرۋدە ستريمينگتىك وقى­تۋدىڭ تسيفرلىق شەشىمدەرىن قول­داندى. جوبا ناتيجەسىندە مەكتەپ­تەردە ونلاين وقىتۋعا ارنالعان جا­ڭار­تىلعان تسيفرلىق كابينەتتەر مەن لابوراتوريالىق جۇمىستار جۇر­گى­زى­لەتىن عىلىم كابينەتتەرى اشىلدى, وسى­عان قوسا 1000-نان كوپ پەداگوگ «ورلەۋ» بىلىكتىلىكتى ارتتىرۋ ۇلتتىق ورتالىعى ازىرلەگەن ەكى ءبىلىم بەرۋ باعدارلاماسى بويىنشا وقىدى. ى.التىنسارين اتىنداعى ۇلتتىق ءبىلىم اكادەميا­سى عىلىمي-ادىستەمەلىك جاعىنان سۇيە­مەلدەگەن. جوبانى جۇزەگە اسىرۋ كە­زىندە مەكتەپ­تە­ر­دىڭ 77,4%-دا جوعارى جىل­دام­دىق­تى ينتەرنەتكە قوسىلىپ, پەدا­گو­گيكالىق كادرلار تاپشىلىعى ماسە­لە­سى شەشىمىن تاۋىپتى.

وقۋ-اعارتۋ ءبىرىنشى ۆيتسە-ءمينيسترى ناتاليا جۇمادىلداەۆا جوبا تۋرالى: «مينيسترلىك اۋىلدىق جانە جالپى شاعىن جيناقتى مەكتەپتەردى دامىتۋ بويىنشا جۇيەلى جۇمىستار جۇر­گىزىپ كەلەدى. 8 مىڭ مەكتەپتىڭ 67,4%-ى­­ اۋىلدىق جەرلەردە ورنا­لاس­قان, سون­داي-اق 51,2%-ى شاعىن جي­ناقتى وقۋ وشاعى سانالادى. مۇن­داي مەكتەپتەردىڭ باسىم بولىگى – سول­تۇستىك قازاقستان, قوستاناي, اقمولا, پاۆلودار, باتىس قازاقستان جانە اقتوبە وبلىستارىندا. اقتوبە وبلى­سىندا جۇزەگە اسىرىلعان قانات­قاق­تى جوبانىڭ ناتيجەسىندە اۋىل مەك­تەپ­تەرىندە ءبىلىم ساپاسى پەن وقىتۋ تيىم­دىلىگىنىڭ ايتارلىقتاي ارتقانىن باي­قاپ وتىرمىز. بۇل جوبا جوعارىدا اتالعان وڭىرلەردە 2025-2026 جىلداردا ىسكە قوسىلادى», دەدى.