ينسپەكتورلاردىڭ قىراعىلىعى

استانا تۇرعىندارى جو­كەي كولىندەگى «تەمنوبور» ورمان­شى­لى­عىنىڭ ەرەكشە قورعالاتىن تابيعي اۋماعىنداعى كولگە اۋ سالعان. ينسپەكتورلار زاڭسىز ارەكەتكە بارعان ازاماتتاردى رەيد كەزىندە قولعا ءتۇسىرىپ, ولار­دىڭ جالپى سالماعى 640,3 كگ تارتاتىن 464 بالىق اۋلا­عانىن بىلگەن. بالىقتىڭ 631,6 كيلوسى سازان, 8,7 كيلوسى تابان. بۇل وقيعا – كەيىنگى 5 جىلدا «بۋراباي» ۇلتتىق پاركىنىڭ اۋماعىنداعى سۋ ايدىندارىندا تىركەلگەن ەڭ ءىرى براكونەرلىك فاكتى. سالدارىنان تابيعاتقا كەلگەن زالال – 9 132 827 تەڭگە. قا­زىردە قۇقىق بۇزۋشىلىق بويىنشا بارلىق دەرەك ءبىرجان سال اۋدانىنىڭ پوليتسيا بولىمىنە بەرىلگەن.

كەيىنگى جىلدارى جوكەي كو­لىنەن زاڭسىز بالىق اۋلاۋ فاكتىلەرى جيىلەپ كەتتى. بيىل ۇلت­تىق پاركتىڭ كولدەرىندە تىركەل­گەن سەگىز فاكتىنىڭ بەسەۋى ءدال وسى سۋقويماسىندا ورىن الدى. قۇ­قىق بۇزۋشىلار قىلمىستىق جاۋاپ­كەرشىلىككە تارتىلدى. سوڭ­عى فاكتىگە دەيىن جالپى شى­عىن 2,5 ميلليون تەڭگەنى قۇ­راعان. رەتى كەلگەندە سۋ ايدىندارىن قورعاۋعا, يحتيوفاۋنانى ساقتاۋعا «بۋراباي» مەملەكەتتىك ۇلتتىق تابيعي پاركىنىڭ ديرەكتسيا­سى كولدەردىڭ جاعاسىندا Smart National Park Burabay اقىلدى بەينەباقىلاۋ جۇيەلەرىن ورناتا باستاعانىن ايتا كەتەيىك. مۇنداي كامەرالار ءبىرىنشى ءدال وسى جوكەي كولىنىڭ جاعالاۋىنا ورناتىلا باستاعان. جىل سوڭىنا دەيىن كامەرالار ىسكە قوسىلسا, كولدەگى جاعدايدى ءتيىمدى باقىلاۋعا, براكونەرلەردىڭ ارەكەتىن جەدەل توقتاتۋعا مۇمكىندىك تۋادى.

«بۋراباي» ۇلتتىق پاركىنىڭ ديرەكتورى سەرگەي بىكوۆتىڭ ايتۋىنشا, بەينەباقىلاۋ كامەرالارى براكونەرلەردەن بولەك, پارك اۋماعىندا تىركەلەتىن باسقا دا زاڭسىزدىقتاردى انىقتاۋعا مۇمكىندىك بەرەدى.

«ينسپەكتورلار جىل باسىنان بەرى زاڭسىز بالىق اۋلاۋ فاكتىسى بويىنشا بىرنەشە براكونەردىڭ ۇستىنەن ءتۇستى. زاڭسىز ارەكەتكە بارعاندار جاۋاپقا تارتىلدى. ەندى كولدەر اۋماعىندا جاڭا ۇل­گىدەگى بەينەباقىلاۋ تەحنولو­گيالارىن ەنگىزىپ جاتىرمىز. بۇل قادام براكونەرلەردىڭ جو­لىن كەسىپ, يحتيوفاۋنانى ساق­تاۋعا سەپتەسەدى. سونىمەن قاتار جارتاستاردى ءبۇلدىرىپ, كول اۋما­عىنا قوقىس تاستايتىن بۇزاقى­لارعا دا توسقاۋىل بولادى دەپ ۇمىتتەنەمىز», دەيدى س.بىكوۆ.