استانا. 15 ماۋسىم. مەملەكەت باسشىسى استاناداعى نازارباەۆ ۋنيۆەرسيتەتىنىڭ العاشقى تۇلەكتەرىنە ديپلوم تاپسىرۋ راسىمىنە قاتىستى. بۇل تۋرالى «قازاقپارات» حابارلادى.
سالتاناتتى شارادا ەلباسى بىرنەشە ۇزدىك تۇلەككە ديپلومدارىن تابىس ەتتى. سونداي-اق, پرەزيدەنت وتاندىق كومپانيالارعا وسى وقۋ ورنىنىڭ تۇلەكتەرىن جۇمىسقا قابىلداۋعا شاقىردى.
«قازىر ەندى بولاشاقتارىڭ ءوز قولدارىڭدا. كەيبىرىڭ شەتەلدىك ۋنيۆەرسيتەتتەرگە باراسىڭدار, باسقا بىرەۋىڭ وسىندا قالاسىڭدار, قالعاندارىڭ حالىقارالىق كومپانيالارعا جۇمىسقا ورنالاسىپ جاتىرسىڭدار. بىراق مەنىڭ ايتايىن دەگەنىم, ەڭ الدىمەن وتانعا قىزمەت ەتىڭدەر. قازاقستاننىڭ كومپانيالارى قازىر سىزدەردىڭ ارالارىڭنان بىلىكتى مامانداردى الىپ, ەلىمىزدىڭ يگىلىگىنە جۇمىس ىستەتۋى كەرەك. قازاقستاننىڭ وركەندەۋىنە قىزمەت ەتۋ كەرەكسىڭدەر. وتاننىڭ بەرگەنىن ون ەسە قايتارۋلارىڭ كەرەك. سولاي ەمەس پە؟», – دەدى مەملەكەت باسشىسى.
نازارباەۆ ۋنيۆەرسيتەتى 2010 جىلى ەلباسىنىڭ باستاماسىمەن قۇرىلدى. اتالعان وقۋ ورداسى وتاندىق ءبىلىم بەرۋدىڭ ۇزدىك ۇلگىسى بولىپ تابىلادى. بيىل ۋنيۆەرسيتەتتى 446 ستۋدەنت ءبىتىردى.
ەلامان قوڭىر.
دەرەك: «قازاقپارات».
سۋرەت: liter.kz.