ۇلىتاۋ وبلىسىندا ءۇش جەتىم بالاعا مال باقتىرىپ, ۇرىپ-سوققان ايەل 4 جىلعا سوتتالدى, دەپ حابارلايدى Egemen.kz ۇلىتاۋ وبلىسىنىڭ پروكۋراتۋراسىنا سىلتەمە جاساپ.
سوتتالۋشى سادىقوۆا 2018 جىلى بالالار ۇيىنەن 3 جەتىم بالانى اسىراپ الادى. ولاردى شارۋا قوجالىعىنا اكەلىپ, مال باقتىرادى. بالالاردىڭ جۇمىسى كوڭىلىنەن شىقپاعان كەزدە ولاردى ۇرىپ جازالاعان.
«سادىقوۆا پاتروناتتىق كەلىسىمنىڭ مىندەتتەرىن بىلە تۇرا زاڭ تالابىن ورىنداماي, بالالاردى اۋىر ءۇي جۇمىسىمەن اينالىسۋعا, سونىمەن قاتار جەزقازعان اۋماعىندا مەتالل سىنىقتارىن جيناۋعا ماجبۇرلەگەن», دەلىنگەن پروكۋراتۋرانىڭ حابارلاماسىندا.
سوت ۇكىمىمەن كامەلەتكە تولماعانداردى ازاپتاعانى جانە قورعانشى وكىلەتتىگىن اسىرا پايدالانعانى ءۇشىن كىنالى دەپ تانىلعان ايەل 4 جىلعا سوتتالدى.