اقتاۋدا پروكۋراتۋرا شىعارعان اكتىنى ۋاقىتىلى قاراماعان شەنەۋنىككە ايىپپۇل سالىندى, دەپ حابارلايدى Egemen.kz.
ماڭعىستاۋ وبلىستىق پروكۋراتۋراسى ءباسپاسوز قىزمەتىنىڭ حابارلاۋىنشا, وڭىرلىك ادىلەت دەپارتامەنتىنىڭ ورىنباسارى قاداعالاۋ ورگانىنىڭ اكتىسىن ۋاقىتىلى قاراماعانى ءۇشىن سوت قاۋلىسىمەن 8 اەك كولەمىندە ايىپپۇل تولەۋ تۇرىندە اكىمشىلىك جاۋاپتىلىققا تارتىلدى.
اكىمشىلىك قۇقىقبۇزۋشىلىق تۋرالى ءىس پروكۋروردىڭ ۇسىنۋىمەن قاراۋ مەرزىمىن رەتتەيتىن "پروكۋراتۋرا تۋرالى" كونستيتۋتسيالىق زاڭىنىڭ تالاپتارىن ورەسكەل بۇزعانى ءۇشىن قوزعالدى.
- اتاپ ايتقاندا, لاۋازىمدى تۇلعا زاڭدا بەلگىلەنگەن مەرزىمگە قاراماستان, قالالىق پروكۋراتۋرانىڭ ۇسىنۋىن ءبىر ايدان استام ۋاقىت بويى تيىسىنشە قاراۋ جونىندە شارالارىن قابىلداماعان. پروكۋراتۋرانىڭ تالابىنان كەيىن ۇسىنۋدىڭ قاراۋ قورىتىندىسىمەن 8 جەكە سوت ورىنداۋشى تارتىپتىك جاۋاپتىلىققا تارتىلدى, مەملەكەت كىرىسىنە 11 ملن تەڭگەدەن استام قارجى ءوندىرىلدى. مەملەكەتتىك قىزمەتكەر ءوز كىناسىن تولىق مويىنداپ, سالىنعان ايىپپۇلدى تولەدى, - دەلىنگەن حابارلامادا.
پروكۋراتۋرا اكتىلەرىن قاراماۋ, سول سياقتى تيىسىنشە قاراماۋ, ورىنداماۋ نە پروكۋروردىڭ زاڭدى تالاپتارىن ورىنداماۋ قازاقستان رەسپۋبليكاسىنىڭ زاڭدارىندا بەلگىلەنگەن جاۋاپتىلىققا الىپ كەلەتىندىگى ەسكەرتىلەدى.