پاۆلودار. 15 ماۋسىم. پاۆلودار وبلىسىندا «قازپوشتا» اكتسيونەرلىك قوعامى اۋىل-ايماققا ءدارى-دارمەك جەتكىزۋ قىزمەتىن ىسكە قوستى. بۇل تۋرالى egemen.kz ءتىلشىسى حابارلادى.
العاشىندا بۇل قىزمەت ءتۇرى سىناق رەتىندە جۇزەگە اسىرىلىپ كەلدى. ەندى مىنە, جوبا اياسىندا پاۆلودار اۋدانىنا جىبەرىلگەن ءدارى-دارمەكتى اۋىلعا وبلىستىق فيليالدىڭ ديرەكتورى ابىلاي ابىشەۆ تابىس ەتتى.
ەسكەرە كەتەر جايت, «قازپوشتا» اق فيليالدارى ناقتى مەرزىمى جوق, ارنايى ساقتاۋدى قاجەت ەتپەيتىن, كۇندەلىكتى قولدانىلاتىن قاجەتتى تاۋارلاردى عانا تاسىمالدايدى. كومپانيا كەلەشەكتە ءونىم وندىرۋشىلەر مەن اۋىل تۇرعىندارى ءۇشىن ەڭ قاجەت تاۋار تۇرلەرىن جەتكىزۋدى جوسپارلاۋدا. كاسىپورىننىڭ ەلىمىزدە تىركەۋدەن وتپەگەن, پوشتا ەرەجەسىندە تىيىم سالىنعان زاتتاردان باسقا ءدارى-دارمەكتەردى جەتكىزۋگە ليتسەنزياسى بار.
فاريدا بىقاي.
دەرەك, سۋرەت: egemen.kz.