اقتوبە. 15 ماۋسىم. اقتوبەدە قازاق تازىسىنىڭ كورمەسى ءوتتى. وعان وڭىردەگى 20 تازى قاتىستىرىلدى. بۇل تۋرالى egemen.kz ءتىلشىسى حابارلادى.
قازىرگى تاڭدا وبلىستا 50-گە جۋىق قازاقى تازى بار. شىمكەنتەن كەلگەن كينولوگ نينا ياسيزوۆا اقتوبەنىڭ تازىلارىن ءوزارا جارىستىرىپ كوردى. دەنە ءبىتىمىن, اياق سۇيەكتەرىن, ءتىسىن, تىرناعىن بايقاپ, قاندارىنىڭ تازالىعىنا نازار اۋداردى.
بارلىق تالاپقا ساي كەلگەن تالعات ەرماعانبەتوۆتىڭ 3 جاسار لاشىنى كورمە جەڭىمپازى اتاندى. لاشىننىڭ وسىعان دەيىن دە ەكى مارتە وبلىستىق جارىستا جۇلدەگەر بولعانىن ايتا كەتەيىك. ەكىنشى, ءۇشىنشى ورىنداردى قۇماي جانە اقتابان اتتى تازىلار ءبولىستى.
كورمەنى ۇيىمداستىرۋشىلاردىڭ مالىمدەۋىنشە, اقتوبەنىڭ قانى تازا 15 ءيتى قازاقستان كينولوگتار وداعىنىڭ تىركەۋىنە الىنعان. بۇل بىرلەستىكتىڭ الداعى ماقساتى – تازى سانىن كوبەيتۋ جانە تۇقىمىن اسىلداندىرۋ, سونداي-اق, بۇكىلالەمدىك كينولوگتار وداعىنا كىرۋ.
«قان سوناردا» قوعامدىق بىرلەستىگى كۇزگە سالىم تاعى دا تازى وسىرۋشىلەردىڭ كورمەسىن وتكىزۋدى جوسپارلاپ وتىر.
ساتىبالدى ءساۋىرباي.
دەرەك: egemen.kz.
سۋرەت: kerekinfo.kz.