5-ءشى دۇنيەجۇزىلىك كوشپەلىلەر ويىندارىنىڭ جابىلۋ سالتاناتى 13 قىركۇيەك كۇنى ساعات 16:00-دە مادەنيەت جانە اقپارات مينسترلىگىنىڭ ۇيىمداستىرۋىمەن «ەتنواۋىل» ۇلتتىق-مادەني كەشەنىندە وتەدى, دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
ايتا كەتەيىك, دۇنيەجۇزىلىك كوشپەلىلەر ويىندارى كوشپەلى حالىقتاردىڭ ەتنيكالىق سپورتى مەن مادەني مۇراسىن ناسيحاتتاۋ ماقساتىندا وتكىزىلىپ جاتىر. العاشقى ويىندار 2014 جىلى چولپون-اتادا (قىرعىز رەسپۋبليكاسى) ءوتتى. سودان بەرى كوشپەلىلەر مادەنيەتىنىڭ جاھاندىق ماڭىزىن ايقىنداعان ءىس-شارا ەكى جىل سايىن وتكىزىلىپ كەلەدى.
5-ءشى دۇنيەجۇزىلىك كوشپەلىلەر ويىندارىنىڭ جابىلۋ سالتاناتى بارىسىندا قازاقستاننىڭ ەڭبەك سىڭىرگەن قايراتكەرلەرى: قاراقات ءابىلدينا, قايرات باەكەنوۆ, گۇلسىم مىرزابەك, حالىقارالىق جانە رەسپۋبليكالىق كونكۋرستاردىڭ لاۋرەاتتارى: مارات ايتىمباي, مادي سىزدىقوۆ جانە تاعى باسقا ونەر جۇلدىزدارى تانىمال ەسترادالىق اندەر مەن حالىق كومپوزيتورلارىنىڭ شىعارمالارىن ورىندايدى.بۇدان بولەك, «ناز» مەملەكەتتىك بي تەاترى جانە ەركەعالي راحماديەۆ اتىنداعى مەملەكەتتىك اكادەميالىق فيلارمونياسى, «قامبارقان» فولكلورلى-ەتنوگرافيالىق ءانسامبلى (قىرعىز رەسپۋبليكاسى) جانە «مەلومەن» توبى قاتىسادى.
ەسكە سالا كەتەيىك, جالپى ەسەپتە قازاقستان قورجىنىندا 29 التىن, 17 كۇمىس, 25 قولا جۇلدە بار.