استانا. گرۋزيانىڭ پرەمەر-ءمينيسترى يراكلي گاريباشۆيلي 15 ماۋسىمدى وسى ەلدەگى سۋ تاسقىنىنان قازا تاپقانداردى ەسكە الۋعا وراي قارالى كۇن دەپ جاريالادى. بۇل تۋرالى «قازاقپارات» حابارلادى.
پرەمەر-مينيستر يراكلي گاريباشۆيلي: «وكىنىشكە وراي, ادامدار وپات بولدى. بۇل ۇلكەن قاسىرەت. قازا تاپقانداردىڭ وتباسىلارى مەن تۋعان-تۋىسقاندارىنا قايعىرىپ كوڭىل ايتامىن. گرۋزيا ۇكىمەتىنىڭ 15 ماۋسىم كۇنىن قارالى كۇن دەپ جاريالاۋ تۋرالى وكىمى شىقتى», – دەدى.
ايتا كەتەيىك, ەلدەگى تاسقىننان 12 ادام قازا تاۋىپ, ونداعان وتباسىلار ءۇيسىز-كۇيسىز قالدى.
ەستەرىڭىزدە بولسا, بىرنەشە ساعات تولاسسىز جاۋعان جاۋىننان گرۋزيا استاناسى تبيليسي قالاسىنداعى مولتەك اۋداندار تاسقىن سۋدىڭ استىندا قالعان بولاتىن.
تالعات رايىمبەك.
دەرەك, سۋرەت: «قازاقپارات».