استانا. 13 ماۋسىم. گەرمانيادا تسيرككە ۇيرەتىلگەن ءپىل قاشىپ كەتىپ, ءبىر ادامدى ءولتىرىپ تاستادى. پوليتسەيلەردىڭ تاراتقان اقپاراتىنا سۇيەنسەك, وقيعا اتالعان ەلدىڭ بۋحەن قالاسىندا ورىن العان. بۇل تۋرالى تاسس حابارلادى.
تسيركتىڭ شامامەن 100 مەتر بولاتىن سپورتتىق الاڭىنان بوساپ شىققان الىپ جانۋار الدىنان كەزدەسكەن ءبىر ازاماتتى جانشىپ تاستادى. ال ءبىراز ۋاقىتتان سوڭ تسيرك قىزمەتكەرلەرى ءپىلدى تىنىشتاندىرىپ, قايتادان قورشاۋعا جەتكىزدى.
ايتا كەتەيىك, ءپىلدىڭ تسيركتەن قالاي بوساپ كەتكەنى ازىرگە بەلگىسىز. پوليتسەيلەر وقيعانى انىقتاۋعا كىرىستى.
تالعات رايىمبەك.
دەرەك, سۋرەت: تاسس.