بۇكىل الەم كوز تىككەن V دۇنيەجۇزىلىك كوشپەلىلەر ويىندارى كۇنى كەشە ەلوردادا باستاۋ الدى. استانا تورىندە ءوتىپ جاتقان ءدۇبىرلى دوداعا 89 ەلدەن 2 430 قاتىسۋشى تىركەلگەن. ونىڭ ىشىندە جاتتىقتىرۋشىلار, سپورتشىلار, مادەني جانە عىلىمي جوبالارعا قاتىساتىن عالىمدار, زەرتتەۋشىلەر دە بار. دۇنيەجۇزىلىك كوشپەلىلەر ويىندارىن اسىعا كۇتكەن وقىرمان نازارىنا ويىننىڭ قىزۋ ءارى قىزىقتى ساتتەرىن ۇسىنامىز.
2014 جىلدان بەرى تۇراقتى ءوتىپ كەلە جاتقان كوشپەلىلەر ويىندارىندا 21 سپورت تۇرىنەن 97 مەدال جيىنتىعى ساراپقا سالىنادى.
مەدالدىڭ جالپى سانى – 581 دانا.
دۇنيەجۇزىلىك كوشپەلىلەر ويىندارىنىڭ جۇلدە قورى – 250 ملن تەڭگە.
قوناقتاردى قابىلداۋ ءۇشىن ەلورداداعى 20 قوناق ءۇي مەن 331 كولىك قۇرالى جۇمىلدىرىلادى. قاتىسۋشىلار ءۇشىن قوناق ۇيلەردەن سپورتتىق نىساندارعا ارنايى شاتل باسستار ۇيىمداستىرىلادى.
ايتا كەتەيىك, دۇنيەجۇزىلىك كوشپەلىلەر ويىندارى العاش رەت قىرعىزستاندا (2014 جىلى) ءوتىپ, كەيىن ەكەۋى دە (2016 جانە 2018 جىلدارى) وسى ەلدە ۇيىمداستىرىلدى.
ال 2022 جىلى تۇركيانىڭ يزنيك قالاسىندا ءوتتى.