بالقان ەلىمەن بايلانىس بەكي تۇسەدى

سەربيانىڭ سىرتقى ىستەر ءمي­نيسترى ماركو دجۋريچپەن كەز­دەسۋ بارىسىندا ەكى ەل اراسىنداعى ­ساياسي ديالوگتىڭ جوعارى ديناميكاسى مەن ساۋدا-ەكونوميكا­لىق ىنتىماقتاستىقتى دامىتۋداعى ۇل­كەن الەۋەتتىڭ ماڭىزى اتالىپ ءوتتى. ەلدەر اراسىنداعى ­قا­­رىم-قاتىناستىڭ جاعىم­دى سي­­پا­تىن, قازاقستان پرەزيدەنتى ­قاسىم-جومارت توقاەۆ پەن سەربيا پرە­زي­دەنتى الەكساندر ءۆۋچيچ­تىڭ ءوزارا سەنىمدى جانە مازمۇندى ديا­لوگىن تىلگە تيەك ەتكەن سۇح­باتتاستار ولاردىڭ جاڭا كەز­­دە­­سۋلەرى مەن ءوزارا ساپارلار جا­ساۋى جاقىن بولاشاقتا ىنتى­ماق­تاستىقتى ودان ءارى جان-جاقتى نىعايتۋعا ىقپال ەتەتىنىنە سەنىم ءبىلدىردى.

ۇكىمەت دەلەگاتسيالارىنىڭ كەز­دەسۋى ەكى ەل اراسىنداعى ساۋدا-ەكونوميكالىق جانە مادەني-گۋما­نيتارلىق بايلانىستاردى ودان ءارى كەڭەيتۋگە ىقپال ەتەتىنى اڭگىمە ارقاۋىنا اينالدى. سونىمەن قاتار بۇۇ, ەقىۇ جانە باسقا دا حالىقارالىق ۇيىم­دار اياسىنداعى ىنتىماقتاس­تىق پەن ءوزارا قولداۋ ماسەلەلەرى تالقى­لاندى.

سەربيا پارلامەنتىنىڭ ۆيتسە-سپيكەرى – حالىقارالىق ما­سە­لە­لەر جونىندەگى كوميتەت تور­اعاسى مارينا راگۋشپەن كەزدەسۋ بارىسىندا قازاقستاندىق ديپلو­مات پرەزيدەنت ق.توقاەۆتىڭ 2 قىر­كۇيەكتەگى جىل سايىنعى قازاقستان حالقىنا جولداۋىندا بەلگىلەنگەن نەگىزگى مىندەتتەر تۋرالى حاباردار ەتتى. جولداۋدا ادىلەتتى قازاق­ستاندى قۇرۋ جو­لىنداعى ەكو­نوميكانى دامىتۋ ءۇشىن بارىنشا قولايلى جاعدايلار جاساۋعا نازار اۋدارا وتىرىپ, مەملەكەت دامۋىنىڭ نەگىزگى باعىتتارى بەلگىلەنگەنىن اتاپ ءوتتى.

م.راگۋش سەربيا حالقى قا­­زاق­­ستاننىڭ دامۋ بارىسىن مۇ­قيات باقىلاپ, جۇزەگە اسىرى­لىپ جاتقان رەفورمالاردى جو­­عارى باعالايتىنىن جەت­كىزدى. ول پارلامەنتتىك ديالوگ «حالىقتىق ديپلوماتيا» رەتىن­دە قاراستىرىلاتىنىن, وسى باعىتتاعى ىنتىماقتاستىق قا­زاقستان مەن سەربيا اراسىن­داعى ەكىجاقتى قاتىناستىڭ جاق­سى داستۇرىنە اينالعانىن دا ايتتى. تاراپتار ءوزارا ءىس-قيمىل­دىڭ قازىرگى دەڭگەيىنە وڭ باعا بەرىپ, پارلامەنتارالىق, سونداي-اق ىس­كەر­لىك, مادەني جانە ءبىلىم سالاسىنداعى ءوزارا تاجىريبە الماسۋدى ۇدەتۋ جونىندەگى جوسپارلاردى ايقىندادى.

ساپار اياسىندا ر.ۆاسيلەنكو قازاقستان پرەمەر-ءمينيستردىڭ ورىنباسارى سەرىك جۇمانعارين مەن سەربيا پرەمەر-ءمينيسترى­نىڭ ورىنباسارى – ىشكى ىستەر ءمي­نيسترى يۆيتسا ءداچيچتىڭ تور­اعالىعى­مەن وتكەن ساۋدا-ەكو­نوميكا­لىق ىن­تىماقتاستىق جو­نىندەگى ­ۇكى­مەتارالىق كوميس­سيا­نىڭ 3-وتى­رى­سىنا قاتىستى. ۇاك كۇن تار­تىبىن­دە اسكەري-تەحني­كا­لىق جانە قورعا­نىس سالا­سىنداعى ءوزارا ءىس-قيمىل, اۋىل شارۋا­شى­لىعى, دەنساۋلىق ساق­تاۋ, تۋريزم, مادەنيەت, سپورت, عىلىم جانە ءبى­لىم بەرۋ سالاسىنداعى ىنتى­­ماق­تاستىق ماسەلەلەرى تالقى­لاندى.

مەملەكەتتىك كىرىس­تەر كو­مي­­تەتىنىڭ دەرەگىنشە, 2023 جىلى قازاقستان مەن سەربيا ارا­سىن­داعى ەكىجاقتى ساۋدا كولەمى 91,2 ملن اقش دوللارىن قۇرادى. ونىڭ ىشىندە ­ەكسپورت – 11,4 ملن, يمپورت – 79,8 ملن. ال بيىلعى العاشقى جارتى جىلدا تاۋار اينالىمى 44,1 ملن اقش دوللارىن قۇرا­دى. ونىڭ ىشىندە وتان­دىق ەكسپورت – 8 ملن, سەربيادان كەلگەن يمپورت – 36 ملن. سەربيادان ەلى­مىزگە سا­لىنعان تىكەلەي ينۆەستيتسيا 2008 جىلدان بەرى ­17,4 ميلليون اقش دول­لارىن قۇرادى. ونىڭ ىشىن­دە تەك بىلتىرعى جىل­دىڭ وزىن­دە 2 ملن دوللار كولە­مىن­دە ين­ۆەس­تيتسيا قۇيىلعان. بيىلعى 1 ماۋ­­­سىمداعى دەرەككە سۇيەن­سەك, ەلى­­­مىزدە بىرلەسكەن مەن­شىك نىسا­نى بار 11 كومپانيا جانە سەر­بيا­لىق كاپيتال­دىڭ قاتىسۋى­مەن ­49 كومپانيا تىركەلگەن.