استانادا 8 - 13 قىركۇيەك ارالىعىندا وتەتىن V دۇنيەجۇزىلىك كوشپەندىلەر ويىندارىندا 21 سپورت تۇرىنەن 97 مەدال جيىنتىعى ۇلەستىرىلەدى, دەپ جازادى Egemen.kz.
بۇل تۋرالى دۇنيەجۇزىلىك كوشپەندىلەر ويىندارىن دايىنداۋ جانە وتكىزۋ جونىندەگى ديرەكتسيا باسشىسىنىڭ ورىنباسارى ابىلاي قوندىباەۆ ورتالىق كوممۋنيكاتسيالار الاڭىندا وتكەن بريفينگتە ايتتى.
V دۇنيەجۇزىلىك كوشپەلىلەر ويىندارىنداعى جارىستارعا 89 ەلدەن 2430 قاتىسۋشى تىركەلگەن. ونىڭ ىشىندە, جاتتىقتىرۋشىلار, سپورتشىلار, مادەني جانە عىلىمي جوبالارعا قاتىساتىن ادامدار دا بار.
«عىلىمي باعدارلاماعا 12 ەلدەن 75 قاتىسۋشى تىركەلگەن. كونفەرەنتسيا 9 قىركۇيەك كۇنى وتەدى. ال ەتنواۋىلدا 100-دەن استام مادەني ءىس-شارا ۇيىمداستىرىلادى. 72 جيىنتىقتى قۇرايتىن 581 مەدال تابىستالادى», دەدى ابىلاي قوندىباەۆ.
جەڭىمپازدارعا بەرىلەتىن جالپى جۇلدە قورى 250 ملن تەڭگە.
ايتا كەتەيىك, كوشپەندىلەر ويىندارىنا 560 سپورتتىق ات پەن 45-كە جۋىق قۇس قاتىسادى.