مەملەكەت باسشىسى قاسىم-جومارت توقاەۆتىڭ جولداۋى ەلىمىزدىڭ دامۋى بويىنشا باتىل شەشىمدەردى ۇسىندى. وسىلايشا, باعىت پەن باعدار بەكىتىلىپ, جاسالعان جۇمىستى ايشىقتاپ, الدىمىزدا ءالى تالاي اۋقىمدى جۇمىس تۇرعانىن ايتتى.
«جاستار رۋحى» ءاردايىم جاستار مەن قوعام يگىلىگى ءۇشىن اۋقىمى كەڭ, الەۋمەتتىك-ساياسي باعىتتاردى قامتيتىن جوبالاردى جاساۋعا اتسالىسىپ كەلەدى. پرەزيدەنت اتاپ وتكەن «تازا قازاقستان» جالپىۇلتتىق اكتسياسىنا رەسپۋبليكا بويىنشا بەلسەندى قاتىسىپ, ەكو-باعىتتاعى ماڭىزدى جۇمىستاردى جاساي الدى. استانادان قوناەۆ قالاسىنا دەيىنگى road-ەستافەتا, كوكتەمگى سۋ تاسقىنىنان كەيىنگى قايتا قالپىنا كەلتىرۋ جۇمىستارى, ۆانداليزممەن كۇرەس – رۋحتاستاردىڭ ورتالىقتاندىرىلعان قالىپتى جۇمىسىنا اينالدى. ارينە, بۇل شارالاردىڭ ءبىر رەتتىك ناۋقان ەمەس ەكەنىن ەستە ساقتاعان ءجون.
زاڭ مەن ءتارتىپتى كىشكەنتاي بالادان باستاپ قاريالاردىڭ ساناسىنا دەيىن ءسىڭىرۋ. بۇل باعىت – «جاستار رۋحى» ايماقتىق فيليالدارىنىڭ بارلىق نۇكتەسىن قامتىدى: وبلىس, اۋدان ورتالىقتارى, شەتتە قالعان اۋىلداعى تۇرعىندارعا جەتە العان اكتسياعا اينالدى.
جولداۋدان ەرەكشە اتاپ وتەتىنى – 2025 جىلدىڭ «جۇمىسشى ماماندىقتار جىلى» بولىپ جاريالانۋى. ەڭبەكقور, جاڭاشىل جاستاردى ءبىر الاڭعا جينايتىن «جاستارعا جۇمىس» بوس جۇمىس ورىندار جارمەڭكەسى 3 قالا مەن 17 وبلىستا 50 000 جاستى قامتىدى. كەلەسى جىلى جوبا جاڭا ينديكاتورلار مەن تاسىلدەردى ۇسىنۋدى جوسپارلاپ وتىر.
جالپىۇلتتىق داۋىسقا سالىناتىن اەس ماسەلەسى جاستار قاناتى جاقىندا عانا وتكىزگەن جاستار ساياسي لاگەرىنىڭ الاڭىندا كەڭىنەن تالقىلاندى. جاسىل ەنەرگيا – سەنىمدى بولاشاق كەپىلى. بۇل رەتتە رۋحتاستاردىڭ كوزقاراسى مەن تاڭداۋلارى دا انىق.
مەملەكەت باسشىسى اتاپ وتكەن ەكونوميكانى كوتەرۋ, بۇقارالىق سپورتتى دامىتۋ, ەكولوگيالىق احۋالدى جاقسارتۋ, عىلىم مەن بىلىمگە اسا ءمان بەرۋ, باستى قۇندىلىقتاردى نەگىزگە الا وتىرىپ جۇمىس جاساۋ – «جاستار رۋحى» non-stop رەجىمىندە جۇزەگە اسىرىپ, نەگىزگە الاتىن باسىم باعىتتار بولادى.
اقەركە يسكاندەروۆا,
«جاستار رۋحى» جاستار قاناتىنىڭ توراعاسى