اقتاۋ. 12 ماۋسىم. اقتاۋدا بىرنەشە سەرىكتەستىكتەن ءىرى كولەمدە اقشا جىمقىرعان بۋحگالتەر سوتتالدى. بۇل تۋرالى egemen.kz ءتىلشىسى حابارلادى.
54 جاستاعى بۋحگالتەر ايەل 7 جىلدان بەرى ءوزى قىزمەت جاسايتىن جاۋاپكەرشىلىگى شەكتەۋلى سەرىكتەستىگىندە اقشا جىمقىرۋمەن اينالىسىپ كەلگەن. تەرگەۋ ناتيجەسى ول قولدى ەتكەن اقشانىڭ كولەمى 8 ملن. تەڭگەدەن استام ەكەندىگىن انىقتادى. العاشىندا اقتاۋ قالاسىنداعى ءبىر جشس-مەن اراداعى كەلىسىم تالاپتارىن بۇزا وتىرىپ, 2010-2012 جىلدارى ءوز قىزمەتتىك وكىلەتتىلىگىن پايدالانعان ول جشس ەسەبىنەن ەكىنشى دەڭگەيلى بانكتەگى جەكە نەسيەسىن وتەگەن. ودان ءارى جشس ەسەبىنەن 4 ملن. تەڭگەنى باسقا ەسەپكە زاڭسىز اۋدارعان ايەل 150 مىڭ تەڭگەنى جشس-دا جۇمىس جاسامايتىن تۋىسىنىڭ كارتاسىنا اۋدارادى. وسىلايشا, بۋحگالتەر اتالعان جشس-عا 5 ملن. تەڭگەدەن استام ماتەريالدىق شىعىن اكەلەدى. ودان ءارى ول وزگە جشس-داعى باس بۋحگالتەرلىك قىزمەتىن پايدالانىپ, وعان دا 3 ملن.-نان استام شىعىن كەلتىرگەن.
اقتاۋ قالالىق سوتى اقشا جىمقىرعان ايەلدىڭ جەكە مۇلكىن تاركىلەپ, بۋحگالتەرلىك جانە كاسسيرلىك قىزمەتپەن 5 جىلعا دەيىن اينالىسپاۋعا شەشىم شىعارىپ, ءوزىن 7 جىلعا باس بوستاندىعىنان ايىرۋ تۋرالى ۇكىم شىعاردى. سونداي-اق, ول جشس-لارعا ءوزى كەلتىرگەن شىعىندارىن وتەيتىن بولادى.
گۇلايىم شىنتەمىرقىزى.
دەرەك: egemen.kz.
سۋرەت: kokshetau.asia