تاراز. 12 ماۋسىم. بۇگىن تارازدا ۆولەيبولدان الەمدىك ليگانىڭ ويىندارى باستالدى. اتالعان سايىسقا قازاقستان قۇرماسى دا قاتىسۋدا. بۇل تۋرالى egemen.kz ءتىلشىسى حابارلادى.
ەرلەر اراسىندا وتەتىن ءدۇبىرلى جارىس جىل سايىن ۇيىمداستىرىلىپ كەلەدى. «ن» توبىندا وينايتىن قازاقستان ۆەنەسۋەلا, ەگيپەت جانە يسپانيا قۇرامالارىمەن كۇش سىناسادى. «تاراز ارەنا» سپورت سارايىندا وتەتىن جارىس 14 ماۋسىمعا دەيىن جالعاسادى.
جارىس الدىندا كوماندالاردىڭ باس جاتتىقتىرۋشىلارى مەن كاپيتاندارى ءباسپاسوز ءماسليحاتىن وتكىزدى. وندا قازاقستان قۇراماسىنىڭ باس جاتتىقتىرۋشىسى اندرەي پاتراكوۆ كەيبىر مىقتى ويىنشىلارىمىزدىڭ دوداعا قاتىسا المايتىنىن ايتتى. ولاردىڭ ورنىن جاس ويىنشىلار باسقان. ال قۇرامانىڭ كاپيتانى الەكساندر ستولنيكوۆ جەڭىسكە جەتۋ ءۇشىن بار كۇش-جىگەرلەرىن سالاتىنىن جەتكىزدى. سونداي-اق, ۆەنەسۋەلا جانە يسپانيا كوماندالارىنىڭ باس جاتتىقتىرۋشىلارى ناچچي ۆينچەنتسو مەن فەرناندو بەنيتەس مۋنوستەر دە بۇل باسەكەدە ايانىپ قالمايتىندارىن ايتتى.
قازاقستان العاشقى ويىنىن بۇگىن ساعات 18:30-دا ۆەنەسۋەلا كوماندسىنا قارسى وتكىزەدى. ەرتەڭ ەگيپەتپەن كۇش سىناسسا, سوڭعى جارىس كۇنىندە يسپانياعا قارسى تەر توگەدى. بۇل ەكى كەزدەسۋ دە جەرگىلىكتى ۋاقىت بويىنش ساعات 18:30 باستالاتىنىن ايتا كەتەيىك.
ورالحان ءداۋىت.
دەرەك, سۋرەت: egemen.kz.