الماتى قالاسى مەدەۋ اۋدانىنىڭ سوتى قالالىق ەمحانانىڭ بۋحگالتەرلەرى ك. حانگيرەەۆا مەن ا. تۋعانباەۆاعا قاتىستى ۇكىم شىعاردى, دەپ جازادى Egemen.kz.
ەسەپشىلەر اۋرۋحانادا جۇمىس ىستەمەگەن ادامدارعا جالاقى جانە باسقا دا تولەمدەردى زاڭسىز اۋدارۋ ارقىلى 341 ملن تەڭگەدەن استام سومادا بيۋدجەت قاراجاتىن جىمقىرعانى ءۇشىن ايىپتالدى.
سوت ۇكىمىمەن باس بۋحگالتەر ك. حانگيرەەۆاعا 7 جىل 6 اي باس بوستاندىعىنان ايىرۋ جازاسى تاعايىندالسا, ونىڭ قاراماعىنداعى قىزمەتكەر ا. تۋعانباەۆا 7 جىلعا باس بوستاندىعىنان ايىرىلدى.ۇكىم زاڭدى كۇشىنە ەنگەن جوق.