الماتىدا Toyota Camry 70 كولىگىنىڭ جۇرگىزۋشىسى Toyota Center عيماراتىنا سوعىلدى, دەپ حابارلايدى Egemen.kz.
جەرگىلىكتى پوليتسيا قىزمەتىنىڭ حابارلاۋىنشا, بۇل جول-كولىك وقيعاسى 12 تامىز كۇنى ساعات 17:00 شاماسىندا جەتىسۋ اۋدانىندا ءسۇيىنباي داڭعىلىندا بولعان.
«Toyota Camry جۇرگىزۋشىسى ءرۋلدى باسقارا الماي, اۆتوسالوننىڭ تەرەزەسىنە سوعىلعان. وقيعا سالدارىنان ءبىر ادام زارداپ شەكتى. وقيعانىڭ باسقا دا ءمان-جايلارى انىقتالىپ جاتىر», دەپ حابارلادى الماتى پوليتسيا دەپارتامەنتىنىڭ ءباسپاسوز قىزمەتى.
ديلەرلىك مەكەمەنىڭ مالىمەتىنشە, اپات سالدارىنان عيماراتتىڭ ۆيتراجدارى زاقىمدالعان. ماتەريالدار شەشىم شىعارۋ ءۇشىن سوتقا بەرىلگەن.
«ۆيتراجدار ب ۇلىنگەن كەزدە ورتالىقتىڭ جۇكتى قىزمەتكەرى شوشىپ كەتكەندىكتەن, جەدەل جاردەم شاقىرىلدى. قىزمەتكەردىڭ ءومىرى مەن بالانىڭ دەنساۋلىعىنا قاۋىپ تونگەن جوق. اپات سالدارىنان كەلتىرىلگەن شىعىن كولەمىن ساقتاندىرۋ كومپانياسى انىقتايدى», دەپ مالىمدەدى ديلەرلىك مەكەمەنىڭ وكىلدەرى.