بۇگىن بوكستان پاريج وليمپياداسىنىڭ كۇمىس مەدالىن ەنشىلەگەن نۇربەك ورالباي ەلگە ورالدى. جۇلدەگەردى استانا حالىقارالىق اۋەجايىنان تۋىستارى, جانكۇيەرلەر مەن باق وكىلدەرى زور قۇرمەتپەن قارسى الدى, دەپ جازادى Egemen.kz.
بوكستان ەرلەر قۇراماسى ساپىندا 80 كەلىدە كۇمىسكە قول جەتكىزگەن نۇربەك ورالبايدى قازاق داستۇرىنە ساي ۇلتتىق ءدام ۇسىنىپ كۇتىپ الدى.
ۇيىمداستىرۋشىلار سپورتشى مەن جانكۇيەرلەر بايلانىسۋ ءۇشىن ارنايى ساحنا دايىنداعان. نۇربەك ورالباي ءوز كەزەگىندە كۇمىستى التىنعا ايىرباستاۋ ءۇشىن لوس-اندجەلەس - 2028 وليمپياداسىنا دايىندالاتىنىن ايتتى.
«قۇرمەتتى قازاق ەلى, قولداۋ ءبىلدىرىپ جاتقاندارىڭىزعا راقمەت. وكىنىشكە قاراي ەكىنشى ورىن بولىپ قالدى. سىزدەر ءۇشىن التىن الىپ, ەلىمىزدى قۋانتىپ, ءانۇرانىمىزدى شىرقاتقىم كەلگەن ەدى. وسى جولى التىن بۇيىرماپتى, كەلەسى وليمپيادادا بار كۇشىمدى سالىپ, ەلگە ابىرويمەن ورالىپ بارشانى قۋانتامىن دەپ ويلايمىن», دەدى نۇربەك ورالباي.