عالام عاجاپتارى: كورىنبەيتىن بەتپەردە

قۇرىلعى يەسىنىڭ بەتىنە تيگەن ساتتە-اق اەروزولدەردىڭ 99,8 پايىزىن بلوكتايدى. تەحنولوگيا جىلۋ ەمەس پلازماعا نەگىزدەلگەن, ۆيرۋستار ادامعا جەتكەنگە دەيىن اۋادا ولەدى. قۇرىلعىدا شلانگتى اۋا شۇمەكتەرى جانە 4,5 كگ ريۋكزاكتى اككۋمۋلياتور, ەلەكترونيكا, اۋا بەرۋ جۇيە­سى بار. فيزيكالىق قۇرىلىمنىڭ ارقاسىن­دا بەتپەردە ىسكە قوسىلعان كەزدە دە كورىنبەيدى.

كىشكەنتاي كومپيۋتەر

«Apple» كومپانياسىنىڭ ەڭ كىش­كەنتاي كومپيۋتەرى وسى جىلدىڭ سوڭىنا دەيىن شىعادى.

«Bloomberg» مالىمەتتەرىنشە, Mac mini-ءدىڭ جاڭا نۇسقاسى جاڭارتىلعان ديزاينمەن دايىندالىپ جاتىر. جاڭا قۇرىلعىنىڭ ولشەمى Apple TV پريستاۆكاسىمەن بىردەي بولادى. ونىڭ بۇيىرلەرى 93 مم, ال بيىكتىگى 31 مم. تەحنيكالىق سيپاتتامالارعا كەلەتىن بولساق, كومپيۋتەر iPad Pro-عا وتە ۇقساس بولادى.

اۋدان سالعان روبوت

اقش-تا 3D پرينتەردىڭ كومەگىمەن تولىققاندى اۋدان سالىنىپ جاتىر.

«Icon» ازىرلەگەن «Vulcan» روبوتتى پرينتەرى تەحاس شتاتىنىڭ دجوردج­تاۋن قالاسىنداعى 100 تۇرعىن ءۇيدى باسىپ شى­عاردى. قازىر سوڭعى بىرنەشە عيمارات­تىڭ قۇرىلىسى اياقتالىپ جاتىر دەپ جازادى «Reuters». ءداستۇرلى قۇرىلىس­پەن سالىستىرعاندا ۇيلەردى 3D-مەن باسىپ شىعا­رۋ تەزىرەك جانە ارزانىراق. سونىمەن قاتار جۇمىس­شى­نى كوپ قاجەت ەتپەيدى جانە قۇرىلىس ماتەريالدارى­نىڭ قالدىقتا­رىن ازايتادى.