استانا. 12 ماۋسىم. ەلباسى قازاقستان رەسپۋبليكاسىنىڭ ەڭبەك سىڭىرگەن قايراتكەرى, سۋرەتشى كامىل مۋللاشەۆتى قابىلدادى. بۇل تۋرالى akorda.kz حابارلادى.
كەزدەسۋ بارىسىندا قازاقستان مادەنيەتىنىڭ, اتاپ ايتقاندا, بەينەلەۋ ونەرىنىڭ قازىرگى احۋالى مەن كەلەشەگى تالقىلاندى.
مەملەكەت باسشىسى وتاندىق سۋرەت ونەرىن دامىتۋعا قوسقان كامىل مۋللاشەۆتىڭ ەلەۋلى ۇلەسىنە توقتالدى. نۇرسۇلتان نازارباەۆ اتاپ كورسەتكەندەي, سۋرەتشىنىڭ تۋىندىلارى قازاقستاندا عانا ەمەس, تاياۋ جانە الىس شەتەلدەردىڭ كورمەلەرىنە دە قويىلعان.
قازاقستان پرەزيدەنتى ەلدىڭ ءداستۇرلى مادەني جانە رۋحاني قۇندىلىقتارىن ساقتاۋ مەن بۇدان ءارى تانىمال ەتۋ قاجەتتىگىنە نازار اۋداردى.
كامىل مۋللاشەۆ ءوز كەزەگىندە مەملەكەت باسشىسىنا مادەنيەت پەن ونەردى دامىتۋ ماسەلەلەرىنە ۇدايى قامقورلىق پەن جان-جاقتى قولداۋ كورسەتىپ كەلە جاتقانى ءۇشىن العىس ايتىپ, شىعارماشىلىق جوسپارلارى جونىندە اڭگىمەلەدى.
ەلامان قوڭىر.
دەرەك, سۋرەت: akorda.kz.