استانادا بىرقاتار كوشە ۋاقىتشا جابىلادى

ءىس-شاراعا بايلانىستى قالانىڭ بىرنەشە كوشەسىندە قوزعالىس شەكتەلەدى:

تۇركىستان كوشەسى ء(بىر باعىت, اقمەشىت كوشەسىنەن ابۋ-دابي پلازاعا دەيىن): 07:00-دەن 08:05-كە دەيىن جابىق; اقمەشىت كوشەسى ء(بىر باعىت, مارەگە دەيىن): 07:00-دەن 09:15-كە دەيىن جابىق; ۇلى-دالا داڭعىلى: 07:10-دان 07:40-قا دەيىن جابىق; اقمەشىت كوشەسى (نۇرلان بالعىمباەۆ كوشەسىنە دەيىن): 07:15-تەن 07:50-گە دەيىن جابىق.

ء«ىس-شارا 2012 جىلدىڭ تامىزىندا وتكەن قازاقستانداعى العاشقى جۇرەك ترانسپلانتاتسياسىنا ورايلاستىرىلعان. ترانسپلانتتاۋدى ۇيلەستىرۋ جانە جوعارى تەحنولوگيالىق مەديتسينالىق قىزمەتتەر جونىندەگى رەسپۋبليكالىق ورتالىقتىڭ دەرەكتەرىنە سۇيەنسەك, قازىرگى ۋاقىتتا جۇرەك ترانسپلانتاتسياسىنىڭ كۇتۋ پاراعىندا 4 مىڭنان استام ادام كەزەكتە تۇر. «جۇرەگىمنىڭ جەڭىمپازى» جارىس فەستيۆالى وسى ادامداردى قولداۋعا جانە ەلىمىزدەگى ترانسپلانتولوگيا ماسەلەلەرىنە جۇرتشىلىقتىڭ نازارىن اۋدارۋدى كوزدەيدى», دەپ حابارلادى قايىرىمدىلىق جارىسىنىڭ ۇيىمداستىرۋشىلارى.

ايتا كەتەيىك, جارىسقا بەلگىلى قوعام قايراتكەرلەرى, مەديتسينالىق جانە حالىقارالىق ۇيىمداردىڭ وكىلدەرى, سونداي-اق ەرىكتىلەر قاتىسادى.