پاريج وليمپياداسىنىڭ كۇمىس جۇلدەگەرى ناريمان قۇربانوۆ ءوزىنىڭ سپورتتاعى ۇلكەن جەتىستىككە قول جەتكىزەتىنىنە كوپشىلىك كۇمانمەن قاراعانىن ايتتى, دەپ حابارلايدى Egemen.kz.
سپورت گيمناستيكاسىنان قازاقستان تاريحىنداعى العاشقى مەدالدى يەلەنگەن ناريمان قۇربانوۆ 18 جاسىنان باستاپ وليمپيادادا اتوي سالۋدى ارمانداعانىن جاسىرمادى.
- كوپشىلىك مەنىڭ سپورتتا ۇلكەن جەتىستىككە جەتەتىنىمە سەنبەي, اكەمە مەنەن ەشتەڭە شىقپايتىنىن ءجيى ايتاتىن. وسى ماۋسىمداعى ءاربىر جارىس الدىندا سۋرەتكە قاراپ, ارماندايتىنمىن. وليمپيادادان جۇلدە الۋ بالا كەزدەن بەرگى ارمان ەمەس. 18 جاسىما قاراي جازعى ويىندارعا قاتىسىپ, جۇلدە الۋعا اسىعا باستادىم. ماقسات قويدىم. سول ماقساتقا جەتۋ ءۇشىن جۇمىس ىستەدىم. ەلىمىزدە بۇل مەدالدى قالاي قابىلدايتىنىن, حالىقتىڭ قالاي قۋانىپ جاتقانىن جاقسى تۇسىنەمىن. قازىر بۇل مەدالدى ۇستاعاننان گورى, ەلىمىزدىڭ قۋانىپ جاتقانىن كورۋ مەن ءۇشىن باقىت, - دەدى ول.
ايتا كەتەيىك, قازىر قازاقستان قورجىنىندا ءبىر التىن (ەلدوس سمەتوۆ), ءبىر كۇمىس جانە ەكى قولا مەدال بار. قولانى دزيۋدوشى عۇسمان قىرعىزباەۆ پەن نىسانا كوزدەۋدەن يسلام ساتپاەۆ پەن الەكساندرا لە العان ەدى. ناريمان قۇربانوۆ قازاقستان قۇراماسىنىڭ قورجىنىن التىنشى مەدالمەن تولىقتىردى.