ەكواكتسيا: جاستار جالىنى

جاستاردىڭ بەلسەندىلىگى جوعارى بولدى. ءجۇزدىڭ ۇستىندە ەرىكتى اتسالىستى.

«جاسىل ەل» ەڭبەك جاساعىنىڭ جاس جاۋىنگەرلەرى, كتا كوماندالارىنىڭ قاتىسۋشىلارى, سپورتشىلار, قحا جاستار قاناتىنىڭ وكىلدەرى «مەتاللۋرگ» قالالىق ستاديونىنىڭ اۋماعىن قوقىستان تازالادى. جاس جالىندار باسقالارعا ۇلگى بولا وتىرىپ, قالانىڭ ەكولوگيالىق ماسەلەسىنە تيتتەي دە بولسىن ۇلەس قوسۋدى كوزدەپ وتىر.

ء«بىزدىڭ باستى مىندەتىمىز – جاستاردى ەكولوگيالىق باستامالارعا تارتۋ جانە اۋقىمدى اكتسيانى بەلسەندى قولداۋ. ستاديوندا كۇن سايىن جاتتىعۋلار, كوماندالىق ويىندار وتەدى. Street Workout-ويىن الاڭى كەشكە سپورتتىڭ كوپتەگەن جانكۇيەرلەرىن جينايدى. بۇگىن ءبىز سپورتشىلار ءدال وسى جەردى تازالاۋدى تاڭداعانىمىز دا بەكەر ەمەس. تۇرعىنداردى تازالىققا بارىنشا مۇقيات قاراپ, سپورتپەن شۇعىلدانۋعا شاقىرامىز», دەيدى «تاۋ» سپورت كلۋبىنىڭ ەركىن كۇرەستەن جاتتىقتىرۋشى-وقىتۋشىسى ماكسيم سامتسوۆ.

قالانىڭ جاس بەلسەندىلەرى ەكواكتسيانىڭ اۋماعىن ارتتىرا بەرەمىز دەپ ۋادە بەرىپ وتىر.

ء«بىزدىڭ جاستار ارقاشان ەكو باستامالارعا قاتىسادى. قالىس قالىپ كورگەن ەمەس. جاستاردىڭ تازالىق پەن قورشاعان ورتانى قورعاۋعا دەگەن ۇمتىلىسى جوعارى. سوعان قۋانىشتىمىز. ءارى قاراي بۇل يگى ءىستى جالعاستىرامىز. قالانىڭ باسقا دا جاس تۇرعىندارىن ءبىزدىڭ ساپقا قوسىلۋعا شاقىرامىز», دەيدى تەمىرتاۋ قالاسىنىڭ جاستار رەسۋرستىق ورتالىعى ديرەكتورىنىڭ مىندەتىن اتقارۋشى رۋسلان قوجەكەنوۆ.

مۇنىمەن قوسا, اكتسيا كەزىندە جاس ەرىكتىلەر اراسىندا ءتۇرلى ەكوويىندار ۇيىمداستىرىلدى. كوماندالار باق سىناسقان ەكوكۆەست ويىنى تارتىستى بولدى. قوقىس قالدىقتارىن سۇرىپتاۋ, ولاردى وڭدەۋ بويىنشا سەمينارلار مەن شەبەرلىك ساعاتتارىنىڭ جاستارعا پايداسى ءتيدى.

«جاستار تازا قازاقستان ءۇشىن!» – ءساۋىر ايىنىڭ باسىندا مەملەكەت باسشىسىنىڭ باستاماسىمەن ىسكە اسىرىلعان «تازا قازاقستان» رەسپۋبليكالىق ەكولوگيالىق اكتسيانىڭ جالعاسى.

«تازا قازاقستان» اكتسياسىنا تەمىرتاۋ قالاسىنىڭ 20 مىڭ تۇرعىنى, 300 ءتۇرلى ۇيىم-ۇجىمى قاتىسىپ, ساياباقتار مەن گۇلزارلار تازالانىپ, 15 مىڭ توننا قوقىس شىعارىلدى.

مۇنىمەن قوسا, ەكواكتسيا كەزىندە 5 مىڭنان استام ءتۇرلى كوشەت ەگىلدى. تاريحي جانە مادەني ەسكەرتكىشتەرىنىڭ اۋماقتارى جينالدى.