اتىراۋدا ءوتىپ جاتقان تەڭىز, قاشاعان, قاراشىعاناقتىڭ مۇناي-گاز جابدىقتارى مەن ساتىپ الاتىن تاۋارلارى تۋرالى مۇناي-گاز ينجينيرينگىنىڭ فورۋمى مەن ءىرى جوبالاردىڭ اشىق ەسىك كۇندەرى ءوتىپ جاتىر. ەنەرگەتيكا ۆيتسە-ءمينيسترى ءا.جاماۋوۆ مەملەكەت باسشىسى مەن پرەمەر-ءمينيستردىڭ جەرگىلىكتى قامتۋدى دامىتۋعا باعىتتالعان بىرقاتار ناقتى مىندەتتى بەلگىلەگەنىن اتاپ ءوتتى.
رەتتەلىپ ساتىپ الۋدا وتاندىق تاۋارلاردىڭ, جۇمىستار مەن كورسەتىلەتىن قىزمەتتەردىڭ ۇلەسىن ۇلعايتۋعا, جاڭا وندىرىستەردى قۇرۋعا جانە جۇمىس ىستەپ تۇرعاندارىن جاڭعىرتۋعا, ونىڭ ىشىندە نەعۇرلىم تالاپ ەتىلەتىن ءونىم شىعارۋدى وقشاۋلاۋعا, سونداي-اق جەرگىلىكتى ينجەنەرلەر مەن جوبالاۋ كومپانيالارىن مىندەتتى تۇردە تارتا وتىرىپ, جوبالاۋ ديزاين-كەڭسەلەرىن ەلگە كوشىرۋگە ەرەكشە نازار اۋدارىلادى.
ءىس-شاراعا 130-عا جۋىق زاۋىت جانە جۇمىستاردى (قىزمەتتەردى) جەتكىزۋشىلەر, مۇناي-گاز سەكتورىنىڭ جەر قويناۋىن پايدالانۋشىلارى جانە قوعامدىق بىرلەستىكتەردىڭ وكىلدەرى قاتىستى. بۇعان دەيىن ەنەرگەتيكا مينيسترلىگى جۇرگىزگەن جۇمىستىڭ ناتيجەلەرى بويىنشا وسى جىلدىڭ مامىر ايىندا ءىرى مۇناي-گاز جوبالارىنىڭ جەر قويناۋىن پايدالانۋشىلارى مەن وسى جوبالار ءۇشىن ساتىپ الىناتىن مۇناي-گاز جابدىقتارى مەن تاۋارلارى بويىنشا جالپى سوماسى 240 ملن دوللاردى قۇرايتىن وتاندىق وندىرۋشىلەر اراسىندا كەلىسىمشارتتارعا قول قويىلعانىن اتاپ وتكەن ءجون.