الماتىدا 24-ءشى قازاقستان حالىقارالىق «تۋريزم جانە ساياحات» كورمەسى – KITF 2026 ءوز مارەسىنە جەتتى. كورمە ءۇش كۇن ىشىندە مىڭداعان قوناقتى جيناپ, ءوڭىردىڭ تۋريستىك الەۋەتىن تاعى ءبىر مارتە ايعاقتادى, دەپ جازادى Egemen.kz.
ءۇش كۇنگە سوزىلعان شارا بارىسىندا 6 مىڭنان استام ادام كورمەنى تاماشالاپ, ول ورتالىق ازياداعى ەڭ ءىرى تۋريستىك الاڭداردىڭ ءبىرى رەتىندە تانىلدى.
بيىلعى كورمەگە الەمنىڭ 24 ەلىنەن 414 كومپانيا قاتىستى. ولاردىڭ قاتارىندا العاش رەت كيپر, موڭعوليا, شري-لانكا جانە ابۋ-دابي باعىتتارى تانىستىرىلدى, بۇل حالىقارالىق ارىپتەستىك اۋقىمىنىڭ كەڭەيگەنىن كورسەتەدى.
الماتى ءتۋريزمى سەۋلدە ناسيحاتتالدى
قازاقستان تاراپىنان 68 كومپانيا ءوز تۋريستىك ونىمدەرىن ۇسىندى. كورمە ىسكەرلىك بايلانىستاردى نىعايتىپ, جاڭا سەرىكتەستىكتەر ورناتۋعا جول اشتى. سونىمەن قاتار, الماتىنىڭ تۋريستىك الەۋەتىن جان-جاقتى تانىستىرۋعا مۇمكىندىك بەردى.
مامانداردىڭ ايتۋىنشا, الماتى شەتەلدىك تۋريستەر ءۇشىن تارتىمدى باعىت رەتىندەگى ورنىن ساقتاپ وتىر, اسىرەسە wellness جانە ساۋىقتىرۋ ءتۋريزمى باعىتىندا سۇرانىس جوعارى.
وسىنداي اۋقىمدى ءىس-شارالار قالاعا تۋريستەر مەن ينۆەستيتسيا تارتۋعا, سونداي-اق حالىقارالىق ىنتىماقتاستىقتى نىعايتۋعا سەرپىن بەرەدى.
الماتى تاۋلارىنا كۇنىنە 30 مىڭ تۋريست تارتۋ جوسپارلاندى