بۇگىن, 9 شىلدە كۇنى ساعات 09:52 شاماسىندا «KEGOC» اق جۇيەلىك وپەراتورىنا باتىس وڭىردە اپاتتى رەجيم جاريالانعانى تۋرالى حابار كەلىپ تۇسكەن. بۇل تۋرالى اتىراۋ وبلىسىنىڭ ەنەرگەتيكالىق كەشەنى حابارلادى, دەپ جازادى Egemen.kz.
ناتيجەسىندە اتىراۋ قالاسىنىڭ ءبىر بولىگى مەن قىزىلقوعا, ماحامبەت اۋداندارىندا ەلەكتر قۋاتى ءسونىپ, تۇرعىندار 5 ساعاتتان استام ۋاقىت بويى جارىقسىز وتىرعان.
«ساعات 11:05 شاماسىندا اپاتتىڭ الدىن الۋ ءۇشىن اۆتوماتيكا ىسكە قوسىلىپ, 110/35 كۆ قۇرايتىن بىرقاتار جەلى اجىراتىلعان ەدى. وعان اتىراۋ مەن ماڭعىستاۋ وبلىستارىنداعى قۋاتتىڭ تاپشىلىعى اسەر ەتىپ وتىر. اتىراۋ وبلىسىنىڭ ەنەرگوجۇيەسىندە تەحنولوگيالىق وزگەرىس بولماس ءۇشىن كەستەگە سايكەس «اتىراۋ جارىق» اق جەلىلەرىندەگى كاسىپكەرلىك قىزمەتكە شەكتەۋلەر ەنگىزىلدى. سالدارىنان اتىراۋ وبلىسىنداعى ماحامبەت, قىزىلقوعا اۋداندارى مەن اتىراۋ قالاسىنىڭ سول جاق بولىگى جارىقسىز قالدى», دەپ حابارلادى جەنرگەتيكالىق كەشەننىڭ ءباسپاسوز قىزمەتى.
ايتا كەتەيىك, ساعات 15:33 شاماسىندا بارلىق ابونەنت جارىقپەن تولىق قامتاماسىز ەتىلگەن.