مەملەكەت باسشىسى Doosan Group كومپانياسىنىڭ توراعاسى چجەونگ ۆون پاك پەن Doosan Enerbility باسقارما توراعاسىنىڭ ورىنباسارى يون ين چونگتى قابىلدادى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
كەزدەسۋ باسىندا پرەزيدەنت سۋ تاسقىنى كەزىندە ەلىمىزگە كورسەتكەن كومەگى ءۇشىن كورەي كومپانياسىنا العىس ءبىلدىردى. مەملەكەت باسشىسىنىڭ ايتۋىنشا, وسىنداي قيىن-قىستاۋ جاعدايدا كاسىپكەرلەردىڭ حالىقتى قولداۋى ولاردىڭ الەۋمەتتىك جاۋاپكەرشىلىك دەڭگەيى جوعارى ەكەنىن كورسەتتى.
مەملەكەت باسشىسىنا تۇركىستان وبلىسىندا قۋاتى 1 گۆت بولاتىن بۋ-گاز ەلەكتر ستانتسياسىن سالۋ جوباسىنىڭ جۇزەگە اسىرىلۋ بارىسى, سونداي-اق كومپانيانىڭ اتىراۋ وبلىسىندا «قاراباتان» گاز تۋربينالى ەلەكتر ستانتسياسىن كەڭەيتۋگە قاتىسۋ پەرسپەكتيۆالارى تۋرالى مالىمەت بەرىلدى.Doosan Enerbility كومپانياسى Doosan Group قۇرامىنا كىرەدى. بۇل كاسىپورىن اتوم ەلەكتر ستانتسيالارىن سالۋعا, جىلۋ ەلەكتر ستانتسيالارىن, تۋربينالار مەن گەنەراتورلار, سۋ تۇشىتاتىن قوندىرعىلار وندىرۋگە ماماندانعان. كومپانيادا 5 مىڭنان استام قىزمەتكەر جۇمىس ىستەيدى. 2023 جىلى ءونىم ساتۋ كولەمى 17,5 ميلليارد دوللاردى قۇرادى.
قىرمىزى جۇماعاليقىزى,
ەۇۋ ستۋدەنتى