استانا. 16 قاڭتار. گەرمانيا كانتسلەرى انگەلا مەركەل بەرليندەگى مۇسىلمان جاماعاتى ۇيىمداستىرعان ميتينگكە قاتىسىپ, يسلام دىنىنە باعىتتالعان قارسىلىققا قاتىستى ءوز وي-پىكىرىن ءبىلدىردى. بۇل تۋرالى muslim.kz حابارلادى.
«يسلام ءدىنى گەرمانيانىڭ اجىراماس ءبىر بولىگى», – دەپ مالىمدەدى انگەلا مەركەل.
سونداي-اق, كەشە براندەنبۋرگ قاقپاسى الدىندا 28 مۇسىلمان ۇيىمىنىڭ باسىن بىرىكتىرگەن مۇسىلماندار ورتالىق كەڭەسىنىڭ ۇيىمداستىرۋىمەن «لاڭكەستىك بىزدەن ەمەس» اتتى جيىن بولىپ ءوتتى.
مۇسىلمانداردى قولداۋ ماقساتىندا ۇيىمداستىرىلعان شاراعا گەرمانيا پرەزيدەنتى يواحيم گاۋك تە قاتىستى. وسىلايشا, ي.گاۋك پەن ا.مەركەل جانە نەمىس مۇسىلماندارىنىڭ كوشباسشىسى ايمان مازەك باستاعان توپ فرانتسۋز ەلشىلىگىنىڭ الدىندا ءبىر مينۋت ۇنسىزدىك جاريالاپ, قۇربان بولعانداردى ەسكە الدى.
ايدار ورىسباەۆ.
دەرەك: muslim.kz.
سۋرەت: info-islam.ru