الماتىدا جۇرگىزىلگەن قازبا جۇمىستارى كەزىندە ەجەلگى داۋىرلەردەن سىر شەرتەتىن ءۇش جادىگەر تابىلدى. قالانىڭ الاتاۋ اۋدانىنداعى «كوكقاينار» قورىمىنان كەزدەسكەن بۇل مۇرالار الماتى تاريحى مۇراجايىنا قويىلدى.
تابىلعان زاتتاردىڭ ءبىرى – ويناپ جاتقان سوقىردىڭ (مىسىق بالاسى) بەينەسى سومدالعان التىن ءمۇسىن. ماماندار ونى ەجەلگى باس كيىمنىڭ ماگيالىق پىشىمىنە ۇقسايتىنىن ايتادى. ال ەكىنشىسى – باسىن سولعا بۇرىپ تۇرعان قىران قۇستىڭ كەسكىنى زەرلەنگەن التىن پلاستينكا. ماماندار بۇل جادىگەرلەردى ءبىزدىڭ جىل ساناۋىمىزعا دەيىنگى IV عاسىرعا تەلىپ وتىر.
بۇعان قوسا, قورىمنان قورعاسىننان قۇيىلعان سابى بار اينا قازىپ الىنعان. ونىڭ ەرنەۋى 2 سم. بولاتىن قورعاسىن بەلدەۋمەن قاپتالىپتى. زەرتتەۋشىلەر بۇل جادىگەردىڭ قاي داۋىرگە جاتاتىنىن ءالى ناقتىلاي قويعان جوق.
جولدىباي بازار,
«ەگەمەن قازاقستان».