اقتاۋ. 16 قاڭتار. ماڭعىستاۋ وبلىسى اۋماعىنداعى ءىرى مۇناي-گاز ءوندىرۋشى كومپانيالار ءوز جۇمىسشىلارى الدىنداعى الەۋمەتتىك مىندەتتەرىن ورىندايتىندىقتارىن ناقتىلاي ءتۇستى. بۇل تۋرالى ماڭعىستاۋ وبلىسى اكىمىنىڭ ءباسپاسوز قىزمەتى حابارلادى.
مۇناي باعاسى تومەندەگەنمەن, وڭىردەگى ەڭبەك ۇجىمدارىنداعى الەۋمەتتىك تۇراقتىلىقتى ساقتاۋ ماسەلەسىن ورتاعا سالعان باسقوسۋعا ماڭعىستاۋ وبلىسىنىڭ اكىمى ا.ايدارباەۆ جانە ماڭعىستاۋداعى مۇناي-گاز ءوندىرۋشى مەكەمەلەر باسشىلارى قاتىسقان. الەمدىك نارىقتا مۇناي باعاسى تومەندەۋ تەندەنتسياسى بايقالعاندىعىن, بۇگىنگى تاڭدا ايماقتاعى كاسىپورىنداردىڭ تۇراقتىلىعىن ساقتاۋدىڭ وزەكتىلىگىن ايتقان ءوڭىر باسشىسى كاسىپورىن باسشىلارىن الدىڭعى كەزەكتە جۇمىس ورىندارىن ساقتاۋ, جۇمىسشىلاردى قىسقارتۋعا جول بەرمەۋ جانە ەڭبەكاقىنىڭ تومەندەۋىن بولدىرماۋعا شاقىرعان.
جيىن ناتيجەسىندە تاراپتار قاڭتاردىڭ 20-نا دەيىن جۇمىسشىلاردىڭ ەڭبەكقۇقىن قامتاماسىز ەتۋ تۋرالى مەموراندۋمعا قول قويادى دەپ كۇتىلۋدە.
گۇلايىم شىنتەمىرقىزى.
دەرەك, سۋرەت: ماڭعىستاۋ وبلىسى اكىمىنىڭ ءباسپاسوز قىزمەتى.