قوستاناي وبلىسىندا ايەلىن ۇزارتقىش سىممەن تۇنشىقتىرىپ ولتىرگەن پوليتسيا اعا لەيتەنانتىنا قاتىستى سوت ۇكىمى جاريالاندى, دەپ حابارلايدى Egemen.kz.
بۇل تۋرالى Orda.kz ءتىلشىسى حابارلادى.
انىقتالعانداي, ەر ادام ايەلىن ۇزارتقىش سىممەن تۇنشىقتىرىپ ءولتىرىپ, كەيىن وزىنە قول جۇمساماقشى بولعان.
سوتتالۋشى جاسلان تولەگەنوۆ قوستاناي قالالىق ءىىب پاترۋلدىك پوليتسيا باتالونىنىڭ جاۋىنگەرلىك ءبولىمىنىڭ ينسپەكتورى بولىپ جۇمىس ىستەگەن. زارەچنوە اۋىلىندا 1998 جىلى دۇنيەگە كەلگەن پوليتسەيدىڭ اسىراۋىندا ەكى بالاسى بار.
ۇكىمدى سۋديا ادەليا حاسەنوۆا جاريالادى.
«سوت ۇكىمىمەن جاسلان تولەگەنوۆ قازاقستان رەسپۋبليكاسى قىلمىستىق كودەكسىنىڭ 99-بابىنىڭ 1-بولىگىندە كوزدەلگەن قىلمىستىق تەرىس قىلىق جاساعانى ءۇشىن كىنالى دەپ تانىلىپ, توعىز جىلعا باس بوستاندىعىنان ايىرىلدى. ونىڭ جازاسى قاتاڭ رەجيمدەگى قىلمىستىق-اتقارۋ جۇيەسىندە وتەلسىن. تولەگەنوۆتى پوليتسيا اعا لەيتەنانتى ارنايى اتاعىنان ايىرۋ كوزدەلسىن», دەدى سوت.
سوت ۇكىمى جاريالانعاننان كەيىن سوتتالۋشىنىڭ اناسى باق وكىلدەرىنەن ونىڭ جانە ۇلىنىڭ سۋرەتىن جاريالاماۋدى سۇرادى.