عالام عاجاپتارى: جەلاياق

ءامين تۇيا­قوۆ – قازاقتان شىق­قان جەڭىل ات­لەتشى. ءتىپتى جۇ­­­گىرۋمەن اي­نا­­لىس­­پايتىن ادامنىڭ ماڭ­عىس­تاۋ­لىق جەل­اياق­تان ۇيرەنەرى كوپ. ونىڭ ەڭ­بەك جولىنا ۇڭىل­سەك, ول ءار­بىر ۋاقىتىن وتە ۇنەم­دى پاي­دال­عانىن كو­رە­مىز. سونىڭ ار­قاسىندا ءونىمدى ناتيجەگە جەتكەن. 20,6 سەكۋندتا 200 م قاشىقتىققا جۇگىرىپ ءوتىپ, وداقتىڭ رەكوردىن جاڭارتادى. شىركىن, شىنىمەن اڭىز ادام عوي!

5 ماۋسىم

ترەندتەردىڭ باستاۋ بۇلاعى اقش ەكەنىن بۇكىل الەم مويىنداپ قويعان. ال بۇگىنگى كۇن سول ترەندتەردىڭ ارا­­سىنداعى ادامزات ءۇشىن ەڭ پاي­دا­لىسى دەسەك تە بولادى.

5 ماۋسىم – دۇنيەجۇزىلىك جۇگىرۋ كۇنى. العاشىندا جەڭىل اتلەتشىلەردىڭ كاسىبي مەرەكەسى دەپ سانالعانىمەن, بۇگىندە ءاربىر سالاماتتى ءومىر سالتىن ۇستانۋشى ادام ءۇشىن بۇل كۇننىڭ ورنى بولەك. جەردىڭ تۇكپىر-تۇكپىرىنەن ميلليونداعان ادام  جۇدىرىقتاي جۇمىلىپ, ارنايى ەستا­فەتادا الما-كەزەك جۇگىرەدى. جاڭا زەلان­ديادان باستاپ اۋستراليا, جاپونيا, ەۋرو­پا, افريكا, وڭتۇستىك جانە سولتۇستىك امە­ريكاعا دەيىن جالعاسادى.

تاڭەرتەڭ قالاڭىزدىڭ الاڭدارىندا سپورتشىلار كوبەيسە, تاڭعالماي بىرگە جاتتىعىپ كورىڭىز. جىل بويى ءتۇرلى مەرەكە تويلانىپ جاتقاندا مۇنداي كۇننەن قاپى قالماعانىمىز ءجون.

ەرەكشە مارافونشى

كانادالىق تەرري فوكس – ەرەكشە جان. ول امپۋتاتسيالانعان اياقپەن 5000 كم جۇگىرىپ وتكەن.

وعان 19 جاسىندا سۇيەك قاتەرلى ىسىگى دياگنوزى قويىلعان. دارىگەرلەر اياعىن تىزەدەن تومەن كەسىپ تاستاعان. قايراتتى جىگىت سوندا دا مويىمادى. قاتەرلى ىسىككە شالدىققان ناۋقاستارعا كومەكتەسۋ ءۇشىن ء«ۇمىت مارافونىن» جاسادى. ول جۇگىرۋ ارقىلى ەلىنىڭ تۇكپىر-تۇكپىرىن شارلاپ, ءار كانادالىقتان كەم دەگەندە ءبىر دوللار جينادى. تاڭعالارلىعى, ۇشجىلدىق جاتتىعۋدان كەيىن تەرري پروتەزبەن اتلانت مۇحيتىن بەتكە الىپ, كۇنىنە ورتا ەسەپپەن 42 كم جۇگىردى. الايدا 143 كۇندىك جۇگىرۋ مەن 5373 شاقىرىمنان كەيىن ونىڭ دەمى ءۇزىلدى. دەگەنمەن جاناشىر جاننىڭ ناۋقانى 24 ميلليون دوللار جيناپ, قانشاما جاننىڭ ءومىرىن ساقتاپ قالدى. 

دايىنداعان –

اسەم جاناتوۆا,

ل.ن.گۋميلەۆ اتىنداعى ەۇۋ ستۋدەنتى