استانا قالاسىندا 1 ماۋسىم كۇنى ەسىرتكىگە قارسى كۇرەس جانە بالالاردى قورعاۋ كۇنىنە وراي بۇقارالىق ۆەلوشەرۋ وتەدى, دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.
ۆەلوسيپەدشىلەر قوسشىعا قاراي جول بويىنداعى اينالما ۆەلوجولدان 25 شاقىرىم قاشىقتىقتا «جاسىل بەلدەۋدە», ياعني «ۇركەر» (يلينكا) تۇرعىن الابىنىڭ ساياباعىندا مارەگە جەتەدى.
ۆەلوشەرۋگە قاتىسۋعا نيەت بىلدىرۋشىلەردى تىركەۋ ساعات 07:00-دەن 08:00-عا دەيىن جالعاسادى.
باستالۋى: ساعات 08:00. تىركەلۋ تەگىن.
ۆەلوشەرۋ اياقتالعاننان كەيىن مارەدە تىركەلگەن ۆەلوسيپەدشىلەر اراسىندا لوتەرەيا جانە باعالى سىيلىقتار ويناتىلادى.
ۆەلوجارىسقا ءار قاتىسۋشى ءوز ۆەلوسيپەدىمەن جىبەرىلەدى. الايدا شلەمنىڭ بولۋى مىندەتتەلەدى.