اتوم ەلەكتر ستانتسياسىن كونكۋرستا جەڭىسكە جەتكەن شەتەلدىك كومپانيا سالادى. بۇل تۋرالى ەنەرگەتيكا ءمينيسترى الماسادام ساتقاليەۆ ايتتى, دەپ حابارلايدى Egemen.kz.
قازىر ونىڭ ايتۋىنشا, الداعى ۋاقىتتا كونكۋرسقا قاتىسۋ ءۇشىن كومپانيالار اراسىندا جەڭىمپازدى انىقتاۋ ءجۇرىپ جاتىر.
«مۇنى تەندەر شەشەدى. قازىرگى ۋاقىتتا الدىن الا بىلىكتىلىك ءراسىمى جۇرگىزىلۋدە, ۇكىمەت بارلىق وتىنىشتەردى قاراۋ ناتيجەلەرى بويىنشا شەشىم قابىلدايدى. الدىن الا ىرىكتەۋدەن كورەيا, رەسەي, قىتاي, فرانتسيا ءوتتى. بۇل ءتىزىم تولىق ەمەس. وعان قوسا, ءبىز باسقا مۇمكىندىكتەردى قاراستىرىپ جاتىرمىز. اتاپ ايتقاندا, اقش الەۋەتتى قاتىسۋشىلاردىڭ قاتارىندا جانە جاپوندىق وندىرۋشىلەرمەن بىرلەسكەن جوبالار دا بار», دەدى ەنەرگەتيكا ءمينيسترى الماسادام ساتقاليەۆ.
ايتا كەتەيىك, 2023 جىلدىڭ 1 قىركۇيەگىندە مەملەكەت باسشىسى ءوز جولداۋىندا اەس سالۋ ماسەلەسىن جالپىحالىقتىق رەفەرەندۋمدا شەشۋ كەرەكتىگىن ايتقان بولاتىن. ونىڭ وتەتىن كۇنى ازىرگە بەلگىسىز, بىراق كەيىن ورتالىق سايلاۋ كوميسسياسى رەفەرەندۋمعا دايىن ەكەنىن مالىمدەدى.
قازىرگى ۋاقىتتا ەنەرگەتيكا مينيسترلىگىنىڭ ماماندارى اەس سالۋ ماسەلەسى بويىنشا تۇرعىندارمەن جانە مۇددەلى تاراپتارمەن كەزدەسۋلەر وتكىزىپ جاتقانىن اتاپ ءوتتى. وسى جۇمىستاردىڭ قورىتىندىسى بويىنشا ۇكىمەت شەشىم قابىلدايدى.
التىناي ابدىش,
ەۇۋ ستۋدەنتى