شىعىس قازاقستان وبلىسى زايسان اۋدانىنداعى كەندىرلىك وزەنىندە جاڭا سۋ قويماسى سالىنادى. بۇل جاڭالىقتى سۋ شارۋاشىلىعى جانە يرريگاتسيا مينيسترلىگىنىڭ ءباسپاسوز قىزمەتى ءبولىستى, دەپ حابارلايدى Egemen.kz.
ۆەدومستۆونىڭ مالىمەتىنشە, سۋ قويماسى 60 ميلليون تەكشە مەتر سۋدى جيناي الادى. بۇل زايسان وڭىرىندەگى 20 مىڭ گەكتار ەگىستىك القاپتى سۋارۋ سۋىمەن قامتاماسىز ەتۋگە مۇمكىندىك بەرەدى.
مينيسترلىك باسشىسى نۇرجان نۇرجىگىتوۆ سۋ قويماسى قۇرىلىسىنىڭ ءوڭىر ءۇشىن ستراتەگيالىق ماڭىزى بار ەكەنىن ايتتى.
«جوبانى جۇزەگە اسىرۋ وڭىردەگى اۋىل شارۋاشىلىعىن دامىتۋعا, ونىمدىلىكتى ارتتىرۋعا جانە جەرگىلىكتى شارۋالاردى تۇراقتى سۋمەن قامتاماسىز ەتۋگە سەپتىگىن تيگىزەدى, سونىمەن قاتار وبلىستىڭ ەكونوميكالىق دامۋىنا ەلەۋلى ۇلەس قوسادى», دەدى مينيستر.
ايتا كەتەيىك, جوبانىڭ ينۆەستيتسيالىق ۇسىنىسى ازىرلەندى, ول ۇلتتىق ەكونوميكا مينيسترلىگىنىڭ ماقۇلداۋىنا جىبەرىلدى.