بەلگيالىق وتباسى اسىراپ العان قازاق بالاسى جانىبەك الەۋمەتتىك جەلىدە سوڭعى جاڭالىعىمەن ءبولىستى, دەپ حابارلادى Egemen.kz.
- قۇرمەتتى قازاقستاندىق اكەلەر, انالار, اعالار مەن اپكەلەر, زامانداستار!
حال-جاعدايلارىڭىز قالاي؟ جاقسى دەپ ويلايمىن, ويتكەنى سىزدەر تۋعان ەلدەرىڭىزدە ءومىر ءسۇرىپ جاتىرسىزدار. مەن تۋعان انامدى ىزدەگەنىمە 6 ايعا جۋىق ۋاقىت وتسە دە, انامداي بولىپ كەتكەن قىمبات اپايىم مەن اپكەمدەي بولعان اسەل, ارقالىق پوليتسياسى ىزدەۋدى توقتاتقان ەمەس. دنق زەرتتەۋلەرى ۇزدىكسىز تاپسىرىلىپ, تەكسەرىلىپ جاتىر, وسىنداي ماڭىزدى جۇمىس جۇرگىزىپ جاتقان بارشا جاناشىرلارىما العىس ايتامىن, - دەگەن ول اناسىن ىزدەۋ ءبىر ساتكە توقتاماعانىن مالىمدەدى.
ايتۋىنشا, اسىراپ العان اناسىنىڭ دەنساۋلىعى ناشارلاپ, قاتتى قينالىپ جاتىر. - وزىمە كەلەر بولسام, جەكە باسىم ءۇشىن سوڭعى كەزدە وڭاي بولماي تۇر. اسىراپ العان انامنىڭ دەنساۋلىعى ناشارلاپ, قاتتى قينالىپ جاتىر. مەن اناما ەكەۋمىز بىرگە جاريالاعان الدىڭعى بەينەروليك ءۇشىن سىزدەردىڭ جازعان جۇرەكجاردى پىكىرلەرىڭىزدى وقىپ بەرىپ, كوڭىلىن كوتەردىم. ارينە,بۇنىڭ ءبارى ۋاقىتشا كوڭىلىن اۋلاۋ ەكەنىن تۇسىنەم…
ال جوسپارىم تۋرالى ايتار بولسام, الداعى ۋاقىتتا مەنىڭ بالالىق شاعىمنان (بالالار ءۇيى) حابار بەرەتىن ادەمى جانە قىزىقتى بەينەبايان جاريالايمىن.
جانە اللا قولداسىن, جاقىندا وزدەرىڭىزبەن كەزدەسەمىن دەپ ۇمىتتەنەمىن!, - دەپ اياقتادى ءسوزىن جانىبەك.