ەلىمىزدە تۇڭعىش رەت وقۋشىلار اراسىندا ۇيىمداستىرىلعان «مەكتەپ بارىسى» جوباسى مارەسىنە جەتتى. تالدىقورعاندا وتكەن تارتىسقا تولى دوداعا قالانىڭ 27 مەكتەبىنەن ىرىكتەلىپ شىققان ۇزدىك بالۋاندار «مەكتەپ بارىسى» اتاعى ءۇشىن بەلدەسىپ, ءوزارا مىقتىنى انىقتادى. قالا اكىمى ەرنات ءبازىل وسىنداي تىڭ جوبالاردى قولدايتىنىن ايتىپ ءوتتى, دەپ جازادى Egemen.kz.
تالدىقورعان اكىمدىگىنىڭ ءباسپاسوز قىزمەتى ءمالىم ەتكەندەي, سوڭعى كەزەڭدە قارسىلاستارىن ايقىن باسىمدىقپەن جەڭگەن №12 ورتا مەكتەبىنىڭ وقۋشىسى باقىتبەك يساجان تۇڭعىش «مەكتەپ بارىسى» اتاندى. جۇلدەلى ءىى ورىن №29 ورتا مەكتەبىنىڭ وقۋشىسى 13 جاستاعى ەڭ جاس بالۋان قوعايبەك بەكزاتقا بۇيىرسا, III ورىندى №4 ورتا مەكتەپتىڭ وقۋشىسى ءمۇسالىم ءنۇرالى قاناعات تۇتتى. ال بەلدەسۋدە ەرەكشە كوزگە تۇسكەن بالۋاندار ىنتالاندىرۋ سىيلىقتارىن الدى.