سۋ تاسقىنى باستالعالى بەرى جىلوي اۋدانىنا 1 مىڭ توننا گۋمانيتارلىق كومەك جەتكىزىلدى. بۇل مالىمەتتى اتىراۋ وبلىسىنىڭ تج جونىندەگى جەدەل شتابى حابارلادى, دەپ جازادى Egemen.kz.
وبلىستا سۋ تاسقىنى قاۋپى ءالى دە ساقتالىپ وتىر. وسىعان بايلانىستى ايماقتا ۆولونتەرلىك قىزمەت تە توقتاعان جوق.
جىلوي اۋداندىق گۋمانيتارلىق كومەك ورتالىعىندا 60-قا جۋىق ەرىكتى تۇرعىندارعا ازىق-ت ۇلىك تاراتۋعا جۇمىلدىرىلعان.
قۇلسارى قالاسىنداعى ەرىكتىلەر شتابىنىڭ جەتەكشىسى جانارگۇل شارعاباەۆانىڭ ايتۋىنشا, بۇگىندە پۋنكتتە ازىق-ت ۇلىك قورى جەتكىلىكتى.
«حالىققا ازىق-ت ۇلىكتى كەستە بويىنشا تاراتامىز. 500-گە جۋىق وتباسىن بارلىق قاجەتتى زاتتارمەن قامتاماسىز ەتىپ وتىرمىز. قازىر 20 توننالىق فۋرامەن اتىراۋدان گۋمانيتارلىق كومەك كەلدى, ولاردى 4 پۋنكت ارقىلى تاراتامىز. بۇگىنگى تاڭدا ۇن, مۇزداتىلعان قۇس ەتىنىڭ, جۇمىرتقا, جارمانىڭ, جايالىق پەن توسەك جابىندىسىنىڭ قورى جەتكىلىكتى. ۇزاق ساقتالاتىن ازىق-ت ۇلىك, گيگيەنالىق قۇرالدار مەن تۇرمىستىق حيميالىق زاتتاردان تۇراتىن گۋمانيتارلىق كومەك جىلىويعا وبلىس ورتالىعىنان كەلىپ جاتىر», دەدى جانارگۇل شارعاباەۆا.